Vigo es Vivaldi

M.T. Batalla

10/10/2004 A traviês les págines desti lhivru escritu en fhorma diariu, Borja - un rapaz gallegu de 18 anhus - mos presenta a tolos sous compañeirus duranti'l sou últimu cursu nel institutu Álvaro Cunqueiro. Irene, Silvia, Maxi, Pedro, Alberto, Felipe, etc. circulen peles fhuôyhes del diariu de Borja, ca ún deillus culos sous correspuôndiêntis provlemes, preocupaciones, alegríes, amoris y dessamoris. Tamiên mos cuônta lo que siênti fhaza Paula (una zagala nuôva na classi que lhy rovóu'l corazón y que lhy provoquen la esplosiva mestura de sentimiêntus propius de la mocedá) les típiques renciêlles culos sous collacius, les salíes de los finis de selmana y los partíus que juôguen cuando terminen les classes. Tóo eillo cuôntáu nun tonu senciêllu propiu dun zagal qu'aspira a sere escritor.

Yê'n definitiva una novela apasionada y apasionanti, cun un final nada asperáu y impactanti. José María Ayllón nun necessita inventassi grandes trames pa tenere al lhector engancháu duranti tola novela, puôis plantega escenes y situaciones nes cuales aquél siêntessi fácilmente identificáu.

Títulu: Vigo es Vivaldi

Autor: José Ramón Ayllón

Editorial: Bruño

Colección: Paralelo Cero

Númberu: 31

Págines: 203

ISBN: 84-216-3961-7

Biografía

L'escritor José María Ayllón ñacióu en Cantabria en 1955. En 1978 lhicencióssi'n Filosofía y Lhetres pola Universidá d'Uviéu y en 1996 al.lega la especialidá en Bioética pola Universidá de Valladolí. Amás d'escrivire yê professor de filosofía y lhiteratura en secundaria, lo que fhazi que conoça l'ambienti nel que vivin los adolescentis que lhy inspiren nes súes obres. Suôl dare conferencies pa la fhormación de rapazis.

Bibliografía:

*Ensayus

Desfile de modelos (finalista Premio Anagrama 1996. Ed. Rialp, 1998)

La buena vida (finalista Premio Martínez Roca 2000. Ed. M. Roca)

En torno al hombre (Ed. Rialp, 1992)

Luces en la caverna (Ed. Martínez Roca, 2001)

¿Es la Filosofía un cuento chino? (Desclée de Brouwer, 1999)

Ética razonada (Palabra, 1998)

Dios y los náufragos (Belacqua, 2002)

* Noveles

Vigo es Vivaldi (Editorial Bruño, 2000)

Diario de Paula (Ed. Bruño, 2003)

Querido Bruto (Acento Editorial, Grupo SM, 1999)