NOTICIAS
AHTUALIDÁ
OPINIÓN
ARCHIVU
RECURSUS
LENGUAS
ESTORIA
GEOGRAFÍA
DESCARGAS
DESTACAUS
FORU
DESTACÁU
IVENTIA
PUBLICIDÁ
TRAUCIONIS
CUNTAHTU
IVENTIA
ESTREMEÑU UNIFICÁU
 
XALIMEGU
 
PALRA D'EL REBOLLAL

ESTAUS UÑÍUS

Alreol 50 ex-diplomáticus estauñiensis criticun duramenti al Bush pola su política nel cunflihtu d'Orienti Próssimu y n'Iraq. Sigún ellus, é la culpa del su presienti que los EUA perdan la su creibiliá y seyan oi vistus comu los malus ena comuniá internacional

Los diplomáticus ena reserva culpan al Bush sigún una información de la BBC de logral la perda en creibiliá, prestigiu y collacius mundialmenti pola su defensa dessenfadá d'Israel. Sigún esti informi los diplomáticus quiein siguil l'ehemplu de los 52 ex-diplomáticus británicus que h.azi ya diez días criticun duramenti la política siguía nel Meyu Orienti pul Premier británicu Tony Blair.

Los firmantis defiendin la postura de que la gobielna estauñiensi atrai un gran perigru. El grupu sta dirigíu pol Andrew Killgore, que h.ue cónsul en Qatar dende 1977 h.asta 1980. Killgore animó al Bush nuna cunversa cola BBC a golvel p'atrás los planis del Sharon de retirassi de la Franha Gaza.

Sigún Killgore tamién tomun possición ena política iraquí. "Issu é tuavía peol", ihu l'ex-diplomáticu. L'anteriol secretariu d'Estáu pa l'economía, William Rogers, ihu a la caena de television: "Nusotrus nu somus más los buenus zagalis. Las nuessas relacionis esterioris stan dañás. Agora somus vistus comu los malus". Sigún la BBC, tuavía nu tinía decidíu'l Rogers si firmaría o non la carta.

 

ESTAUS UÑÍUS

Arriol 50 ex-diplomáticus estauñiensis criticaran duramenti au Bush pula súa política nu cunflihtu d'Orienti Próssimu y n'Iraq. Sigún elis, é a culpa du sei presienti que us EUA perdan a súa crebiliái y sean oji vistus comu us maus na cumuniái internacional

Us diplomáticus na reserva culpan ú Bush sigún una información da BBC de logral a perda en creibiliái, prestixiu y amigus mundialmenti pula súa defensa dessenfadá d'Israel. Sigún esti informi us diplomáticus querin siguil u ehemplu dus 52 ex-diplomáticus británicus que fazi ia dé días criticaran duramenti a política siguía nu Meiu Orienti pur u Premier británicu Tony Blair.

Us firmantis defendin a postura de que u gobelnu estauñensi atrai un gran perigu. U grupu está dirixíu pur u Andrew Killgore, que foi cónsul en Qatar desde 1977 h.asta 1980. Killgore animó au Bush nuna cunversa cun a BBC a volvel p'atrás us planis du Sharon de retirassi da Franha de Gaza.

Sigún Killgore tamén tomaran possición na política iraquí. "Issu é inda piol", eixu u ex-diplomáticu. U anteriol secretariu d'Estáu pa a economía, William Rogers, eixu á cadea de televisión: "Nós nun somus mais us bós zagais. As nossas relaciós esterioris están danás. Agó somus vistus cumu us maus". Sigún a BBC, inda nun tiña decidíu u Rogers si firmaríu o non a carta.

 

ESTAUS HUNÍUS

Alreol 50 ex-diplomáticus estauhuniensis criticun duramenti al Bush pola su política nel conflihtu d'Orienti Próssimu y n'Iraq. Sigún ellus, é la culpa del su presidenti que los EHA perden la su credibilidá y seyen oi vistus comu los malus ena comunidá internacional

Los diplomáticus ena reserva culpen al Bush sigún una información de la BBC de logral la perda en creibilidá, prestigiu y collacius mundialmenti pola su defensa dessenfadá d'Israel. Sigún esti informi los diplomáticus quiein seguil l'ehemplu de los 52 ex-diplomáticus británicus que h.azi ya diez díes criticun duramenti la política seguía nel Meyu Orienti pol Premier británicu Tony Blair.

Los firmantis defiendin la postura de que la gobielna estauhuniensi atrai un gran perigru. El grupu sta dirigíu pol Andrew Killgore, que h.ue cónsul en Qatar dende 1977 h.asta 1980. Killgore animó al Bush nuna conversación cola BBC a volvel p'atrás los planis del Sharon de retirassi de la Franha de Gaza.

Sigún Killgore tamién tomun possición ena política iraquí. "Essu é tuavía peol", ihu l'ex-diplomáticu. L'anteriol secretariu d'Estáu pa la economía, William Rogers, ihu a la caena de television: "Nusotrus nu somus más los buenus zagalis. Les nuesses relaciones esteriores stan dañaes. Agora somus vistus comu los malus". Sigún la BBC, tuavía nu tenía decidíu'l Rogers si firmaría o non la carta.

 

colabora | destacáu | lenguas | istoria | xeografía | descargas | foru | publiciái | servicius | cuntahtu

©2004 iventia.com