PAISIS BAHUS

Nuna esplosión enormi murrun nuna fábrica de Bélgica al minus 15 hombris y sotrus 112 furun h.eríus. Gigantescas flamas h.umeaban cientus de metrus pur cima la fábrica mientris las víhtimas permanecían esparcías.

Brusselas- La mala suerti se sucedió nuna zona industrial de Ghislenghien alreol 30 kilómetrus al sudoesti de Brusselas. Las flamas rohu-naranhas escuendían avionis que staban a más de 500 metrus. Tamién dos fábricas cercanas sufrun del fuegu.

"Pensé qu'un avión abríe chocáu contra la casa", informó una muhel, que vivi a nuevi kilómetrus del lugal de l'esplosión, nuna entevista cun una emissora de radiu. "Cuandu h.uyimus a la calli vimus una ola de h.umus brancus. El ruiu era ensordeceol". Otra vizina informó de flamas d'alriol 100 metrus d'artu.

H.azia las 8.30 abían alarmáu los trab·ahaoris a los bomberus pur causa de l'olol a gas. Una meya ora dispués, cuandu los bomberus ya staban dispuestus a pechal el lugal, se sucedun varias esplosionis. Abondus de los muertus son probablementi miembrus del cuerpu de bomberus. L'edificiu recién levantáu h.ue cumpletamenti destruyíu.

Las autoriais lançun l'alarma de catástrofi. Los abitantis furun acunsehaus pa queassi enus sus fogaris fechandu puertas y ventanas. L'autopista que cruça la zona h.ue çarrá enas dos direcionis.

Uniais de las fuercias de seguriá holandesas furun puestas n'alerta p'ayual a los labutaoris de sarvamentu, mientris elicóhterus militaris llevun a los h.eríus h.aza distintus ospitalis. Francia envió alreol 100 meicus, cuatru elicóhterus y 20 veículus de sarvamentu, ihu'l Ministru de Saniá Philippe Douste-Blazy.

La razón del acienti non sta tuavía acraráu del to. Lu que é seguru é qu'una de las istalacionis de gas qu'atraviessa la costa belga h.azia la frontera francesa h.ue dañá. Assina lu cunfirmó l'empresa Fluxis n'Amberis.

PAISIS BAIXUS

Nuna esplosión enormi murreran nuna fábrica de Bélxica au minus 15 omis y oitrus 112 foran feríus. Gigantescas chamas fumeaban centus de metrus pur cima da fábrica mentras as víhtimas permanecían esparcías.

Brusselas- A ma sorti se sucedió nuna zona industrial de Ghislenghien arriol 30 kilómetrus au sudoesti de Brusselas. As chamas rohu-naranjas escondían aviós qu'estaban a mais de 500 metrus. Tamén dois fábricas cercanas sufreran du fogu.

"Penséi qu'un avión abría chocáu contra a casa", informó una mullel, que vivi a novi kilómetrus du lugal da esplosión, nuna entrevista cun una emissora de radiu. "Cuandu fuimus á calli vimus una ola de fumus brancus. U ruiu era ensordeceol". Oitra viziña informó de chamas d'arriol 100 metrus d'artu.

Faza as 8.30 abían alarmáu us traballaoris aus bombeirus pur causa da olol a gas. Una meia ora dispois, cuandu us bombeirus ia estaban dispostus a fechal u lugal, se sucederan varias esplosiós. Abondus dus mortus son probablementi membrus du corpu de bombeirus. U edificiu recién levantáu foi cumpletamenti destruíu.

As autoriais lançaran a alarma de catástrofi. Us abitantis foran acunsellaus pa quealsi nus seis fogaris fechandu portas y ventás. A autopista que cruça a zona foi fechá nas dúas direciós.

Uniais das forças de seguriái holandesas foran postas n'alerta p'ajual aus traballaoris de sarvamentu, mentras elicóhterus militaris levaran aus feríus faza distintus ospitais. Francia envió arriol 100 mecus, cuatru elicóhterus y 20 veículus de sarvamentu, eixu u Ministru de Saniái Philippe Douste-Blazy.

A razón du acienti inda non está acraráu. U que é seguru é qu'una das istalaciós de gas qu'atraviessa a costa belga faza a fronteira francesa foi daná. Assina u cunfirmó a empresa Fluxis n'Amberis.

PAISIS BAHUS

Nuna esplosión enormi murrun nuna fábrica de Bélgica al minus 15 hombris y sotrus 112 furun h.eríus. Gigantesques flames h.umeaben cientus de metrus pur cima la fábrica mientris les víhtimes permanecíen esparcíes.

Brusseles- La mala suerti se sucedió nuna zona industrial de Ghislenghien alreol 30 kilómetrus al sudoesti de Brusseles. Les flames rohu-naranhes escuendíen avionis que staben a más de 500 metrus. Tamién dos fábriques cercanes sufrun del fuegu.

"Pensé qu'un avión abríe chocáu contra la casa", informó una muhel, que vivi a nuevi kilómetrus del lugal de l'esplosión, nuna entevista cun una emissora de radiu. "Cuandu h.uimus a la calli vimus una ola de h.umus brancus. El ruiu era ensordeceol". Otra vizina informó de flames d'alriol 100 metrus d'artu.

H.azia las 8.30 abíen alarmáu los trab·ahaoris a los bomberus pur causa de l'olol a gas. Una meya ora dispués, cuandu los bomberus ya staben dispuestus a pechal el lugal, se sucedun varias esplosionis. Abondus de los muertus son probablementi miembrus del cuerpu de bomberus. L'edificiu recién levantáu h.ue cumpletamenti destruyíu.

Les autoridaes lançun l'alarma de catástrofi. Los abitantis furun acunsehaus pa queassi enus sus fogaris pechandu puertes y ventanes. L'autopista que cruça la zona h.ue çarrá enes dos direciones.

Uniaes de les fuercies de seguriá holandeses furun puestes n'alerta p'ayual a los labutaoris de sarvamentu, mientres elicóhterus militaris llevun a los h.eríus h.aza distintus ospitalis. Francia envió alreol 100 meicus, cuatru elicóhterus y 20 veículus de sarvamentu, ihu'l Ministru de Saniá Philippe Douste-Blazy.

La razón del acienti non sta tuavía acraráu del to. Lu que é seguru é qu'una de les istalaciones de gas qu'atraviessa la costa belga h.azia la frontera francesa h.ue dañá. Assina lu cunfirmó l'empresa Fluxis n'Amberis.