IRAQ

Nuevas acusacionis contra los sordaus de los EUA: paeci que h.uerçun a presus iraquís a saltal desde una puenti. Un iraquí murru sigún distintus diarius. Tamién Amnestía Internacional critica duramenti a los EUA: la guerra d'Iraq sedría'l piol ataqui a los direchus umanus dende h.azi añus.

Varius sordaus estauñiensis debin contal con midías diciplinarias pur obligal a saltal dende una puenti sob·ri'l Tigris a dos presus. Nel saltu al ríu murru unu de los iraquís sigún informacionis que las fuercias estauñiensis desmientun ya. Si los sordaus sedrán hulgaus y cuando tuavía nu sta craru, sigún informó un portavozi milital nel Fort Carson cerca de Denver, d'ondi viein los sordaus.

El nuovu casu, si se cunfirma, é una nuova carga de profundiá ena lucha de l'alministración Bush por muestral el respetu a los direchus umanus n'Iraq. Tamién l'organiçación polus direchus umanus Amnestía Internacional lançó oi nel su informi anual h.uertis acusacionis contra la gobielna de los EHA. La guerra siguía por Washington contra'l terrorismu é sigún l'organiçación el piol ataqui a los direchus umanus y a la comuniá internacional dende h.azi añus.

Amnestía Internacional acusa a las tropas americanas y británicas d'abel dañáu massivamenti los direchus umanus. Tamién dispués de la cuntienda h.ue usá mayol violencia de la dibía, disparándussi a numirosas personas en circustancias non aclarás. Las torturas y otras vehacionis paecin imprennal tolas ahtuacionis de las fuercias de la coalición. Práhticamenti denguna destas acusacionis abríen síu investigás en profundiá.

IRAQ

Novas acusaciós contra us sordaus dus EUA: pareci que forçaran a presus iraquís a saltal desde un ponti. Un iraquí murréu sigún distintus diarius. Tamén Amnestía Internacional critica duramenti aus EUA: a guerra d'Iraq sería u piol ataqui aus dereitus umás desde fazi anus.

Varius sordaus estauñensis debin cuntal cun midías disciplinarias pur obligal a saltal desde un ponti sobri u Tigris a dois presus. Nu sartu au ríu murréu ún dus iraquís sigún informaciós que as forças estauñensis desmentun ia. Si us sordaus serán julgaus y cuándu inda nun está craru, sigún informó un portavó milital nu Fort Carson cerca de Denver, d'ondi ven us sordaus.

U novu casu, si se cunfirma, e una nova carga de profundiái na luta da alministración Bush pur mostral u respetu aus dereitus umanus n'Iraq. Tamén a organiçación pulus dereitus umanus Amnestía Internacional lançó oji nu sei informi anual fortis acusaciós contra u gobelnu dus EUA. A guerra siguía pur Washington contra u terrorismu é sigún a organiçación u piol ataqui aus dereitus umanus y á comuniái internacional desde fazi anus.

Amnestía Internacional acusa ás tropas americanas y británicas d'abel danáu massivamenti us dereitus umanus. Tamén dispóis da cuntenda foi usá maiol violencia da dibía, disparándussi a numirosas persoas en circunstancias non acrarás. As torturas y oitras vexaciós parecin imprennal to as ahtuaciós das forças da coalición. Práhticamenti niñuna distas acusaciós abrían síu investigás en profundiái.

IRAQ

Nueves acusaciones contra los sordaus de los EHA: paeci que h.uerçun a presus iraquís a saltal desde una puenti. Un iraquí murru sigún distintus diarius. Tamién Amnestía Internacional critica duramenti a los EHA: la guerra d'Iraq sedría'l piol ataqui a los direchus umanus dende h.azi añus.

Varius sordaus estauhuniensis debin contal con midíes diciplinaries por obligal a saltal dende una puenti sob·ri'l Tigris a dos presus. Nel saltu al ríu murru ún de los iraquís sigún informaciones que les fuercies estauhuniensis desmientun ya. Si los sordaus sedrán hulgaus y cuando tuavía nu sta craru, sigún informó un portavozi milital nel Fort Carson cerca de Denver, d'ondi vienin los sordaus.

El nuevu casu, si se confirma, é una nueva carga de profundidá ena lucha de l'alministración Bush por muestral el respetu a los direchus umanus n'Iraq. Tamién la organiçación polos direchus umanus Amnestía Internacional lançó oi nel su informi anual h.uertes acusaciones contra la gobielna de los EHA. La guerra siguía por Washington contra'l terrorismu é sigún la organiçación el piol ataqui a los direchus umanus y a la comunidá internacional dende h.azi añus.

Amnestía Internacional acusa a les tropes americanes y britániques d'abel dañáu massivamenti los direchus umanus. Tamién dispués de la contienda h.ue usá mayol violencia de la debía, disparándussi a numberoses persones en circustancies non aclaraes. Les tortures y otres vehaciones paecin imprennal toles ahtuaciones de les fuercies de la coalición. Práhticamenti nenguna destes acusaciones abríen síu investigaes en profundidá.