ISRAEL

El partíu israelí ena gobielna, el Likud, rechaçó'l plan del Primel Ministru Ariel Sharon pa la retirá de los colonus de la franha Gaza col 59.9 pur cientu. Solo'l 39 pur cientu de los votantis votun a favol. A pesal dissa derrota, el Sharon descartó la su retirá.

Sharon prometió sin embargu respetal el resultáu. Los osservaoris sospechan mientris tantu que non lu h.adrá. Ena votación tomun parti alreol del 40 pur cientu de los 193.000 miembrus del Likud, que suponin alreol dun 4 por cientu de los votantis israelís. Istu puiría sirvil comu razón pal Sharon pa innoral ista votación non vinculanti. Probablementi catará'l Sharon caminus alternativus pa siguil col su plan anicial.

Tan solo h.azi dalgunus días qu'el Sharon señaló esta votación comu una aspeci "votación de cunfiancia", de mou que se retiraría nel casu de perdela. Sin embalgu, el h.abau pola tardi ihu que "preveu siguil llevandu la gobierna del Estáu d'Israel colas mis mehoris cualiais, sab·iuría y las mis obligacionis públicas". Sigún él, el pueb·lu israelí non lu eligió pa queassi quietu, sinón pa achegal la paci, tranquiliá y seguriá.

Tras los primel análisis, los ataquis del dumingu mañana de militantis palestinus contra una colona hudía n'estáu y los sus cuatru h.ius ena franha Gaza influyun cuntundentementi pal resultáu negativu. Los contrarius al repliegui, ente ellus abondus colonus, tiein declaráu los planis de Sharon comu una "vihtoria del terrol" y un perigru pa Israel.

Los EUA racionan cun dececión

El Primel Ministru interinu Ehud Olmert ihu qu'el resultáu del sufragiu nu sinnificaba qu'el plan del Sharon h.uera equivocáu: "nu ái sotra alternativa pal pueb·lu d'Israel". La ministra d'Immigración, Tzipi Livni, ihu: "Estu nu é buenu pal país, y é un día orribli pal nuestru partíu". El primel ministru palestinu, Ahmed Kurei acraró que la votación nu tenía dengún sentíu. Pa él, l' únicu caminu pa la paci sta enus trataus bilateralis.

Los Estaus Uñíus d'América se mostrun dececionaus pol resultáu. El presienti estauñiensi George W. Bush cunsieró'l plan del Sharon comu importanti y valienti passu pa la libertá, sigún aclaró'l portavoci de la Casa Branca, Scott McClellan. La gobielna estauñiensi tendría ya consultáu, sigún él, con Israel el processu a siguil agora. Bush ya posicionóssi ena primel visita de Sharon a Washington h.azi tres semanas en favol desti plan de retirá unilateral.

Ataqui en Gaza

Enantis dissa votación assessinun estremistas palestinus a una muhel n'estáu y los sus cuatru h.ius disparándulis. Sigún los datus del portavozi de los colonus, la muhel staba colas sus cuatru h.ías de caminu a la colonia de Gusch Katif. Sordaus israelís abatun dispués del atentáu dambus atacantis. Nuna llamá a l'agencia Reuters s'inculpun del atentáu miembrus del Grupu Islamista Yihad y dun grupu llamáu Comité de la Resistencia Populal. "Essigimus al Sharon que los israelís h.uyan de Gaza y non que se retirin, comu si h.uera una vihtoria suya".

ISRAEL

U partíu israelí nu gobelnu, u Likud, rechaçó u plan du Primel Ministru Ariel Sharon pa a retirá dus colonus da franxa de Gaza cun u 59.9 pur centu. Sólu u 39 pur centu dus votantis votaran a favol. A pesal dissa derrota, u Sharon descartó a súa retirá.

Sharon prometió sin embargu respetal u resultáu. Us osservaoris sospeitan mentras tantu que non u fará. Na votación tomaran parti arriol du 40 pur centu dus 193.000 membrus du Likud, que supoñin arriol dun 4 pur centu dus votantis israelís. Istu puiría sirvil cumu razón pa u Sharon pa innoral ista votación non vinculanti. Probablementi buscará u Sharon camiñus alternativus pa siguil cun u sei plan inicial.

Tan sólu fazi algúns días que u Sharon siñaló ista votación cumu una especi "votación de cunfiança", de mou que se retiraría nu casu de perdela. Sin embalgu, u sabau pula tardi eixu que "preveu siguil levandu u gobelnu du Estáu d'Israel cun as miñas milloris cualiais, sabiuría y as mías obligaciós públicas". Sigún eli, u pobu israelí non u a elexíu pa quelsi quietu, sinón pa achegal a pá, tranquiliái y seguriái.

Tras us primeirus análisis, us ataquis du dumingu mañán de militantis palestinus contra una colona jubía encinta y us seis cuatru fillus na franxa de Gaza influieran cuntundentementi pa u resultáu negativu. Us cuntrarius au replegui, entre elis abondus colonus, ten declaráu us plás du Sharon cumu una "vitoria du terrol" y un perigu pa Israel.

Us EUA racionan cun dececión

U Primel Ministru interinu Ehud Olmert eixu que u resurtáu du sufraxiu nun sinnificaba que u plan du Sharon fora equivocáu: "nu ái oitra alternativa pa u pobu d'Israel". A ministra d'Immigración, Tzipi Livni, eixu: "Istu nun é bo pa u país, y é un día orribli pa u nossu partíu". U primel ministru palestinu, Ahmed Kurei, acraró que a votación nun tiña niñún sintíu. Pa eli, u únicu camiñu pa a pá está nus trataus bilaterais.

Us Estaus Uñíus d'América se mostraran dececionaus pur u resultáu. U presienti estauñensi George W. Bush cunsieró u plan du Sharon cumu importanti y valenti passu pa a libertai, sigún acraró u portavó da Casa Branca, Scott McClellan. U gobelnu estauñensi abría ia cunsultáu, sigún eli, cun Israel u processu a siguil agó. Bush ia posicionússi na primeira visita de Sharon a Washington fazi tres semás en favol desti plan de retirá unilateral.

Ataqui en Gaza

Antis dissa votación assessinaran estremistas palestinus a una mullel encinta y us seis cuatru fillus disparándulis. Sigún us datus du portavó dus colonus, a mullel estaba cun as súas cuatru fillas de camiñu á colonia de Gusch Katif. Sordaus israelís abateran dispois du atentáu dambus atacantis. Nuna chamá á axencia Reuters s'inculparan du atentáu membrus du Grupu Islamista Yihad y dun grupu chamáu Comité da Resistencia Populal. "Essiximus au Sharon que us isralís fujan de Gaza y non que se retirin, cumu si fora una vitoria suya".

ISRAEL

El partíu israelí ena gobielna, el Likud, rechaçó'l plan del Primel Ministru Ariel Sharon pa la retirá de los colonus de la franha Gaza col 59.9 por cientu. Solo'l 39 por cientu de los votantis votun a favol. A pesal dessa derrota, el Sharon descartó la su retirá.

Sharon prometió sin embargu respetal el resultáu. Los osservaoris sospechen mientres tantu que non lu h.adrá. Ena votación tomun parti alreol del 40 por cientu de los 193.000 miembrus del Likud, que suponin alreol dun 4 por cientu de los votantis israelís. Estu puiría servil comu razón pal Sharon pa innoral esta votación non vinculanti. Probablementi buscará'l Sharon caminus alternativus pa seguil col su plan anicial.

Tan solo h.azi dalgunus díes qu'el Sharon señaló esta votación comu una aspeci "votación de confiancia", de mou que se retiraría nel casu de perdela. Sin embalgu, el h.abau pola tardi ihu que "preveu seguil llevandu la gobierna del Estáu d'Israel coles mis mehores cualidaes, sab·iuría y les mis obligaciones públiques". Sigún él, el pueb·lu israelí non lu eligió pa queassi quietu, sinón pa achegal la paci, tranquilidá y seguridá.

Tres los primel análisis, los ataquis del dumingu mañana de militantis palestinus contra una colona hudía n'estáu y los sus cuatru h.ius ena franha Gaza influyun cuntundentementi pal resultáu negativu. Los contrarius al repliegui, ente ellus abondus colonus, tiein declaráu los planis de Sharon comu una "vihtoria del terrol" y un perigru pa Israel.

Los EHA racionan con dececión

El Primel Ministru interinu Ehud Olmert ihu qu'el resultáu del sufragiu nu sinnificaba qu'el plan del Sharon h.uera equivocáu: "nu ái sotra alternativa pal pueb·lu d'Israel". La ministra d'Immigración, Tzipi Livni, ihu: "Estu nu é buenu pal país, y é un día orribli pal nuestru partíu". El primel ministru palestinu, Ahmed Kurei aclaró que la votación nu tenía nengún sentíu. Pa él, l' únicu caminu pa la paci sta enos trataus bilateralis.

Los Estaus Huníus d'América se mostrun dececionaus pol resultáu. El presidenti estauhuniensi George W. Bush consideró'l plan del Sharon comu importanti y valienti passu pa la libertá, sigún aclaró'l portavoci de la Casa Branca, Scott McClellan. La gobielna estauhuniensi tendría ya consultáu, sigún él, con Israel el processu a seguil agora. Bush ya posicionóssi ena primel visita de Sharon a Washington h.azi tres selmanes en favol desti plan de retirá unilateral.

Ataqui en Gaza

Enantis dessa votación assessinun estremistes palestinus a una muhel n'estáu y los sus cuatru h.ius disparándulis. Sigún los datus del portavozi de los colonus, la muhel staba coles sus cuatru h.íes de caminu a la colonia de Gusch Katif. Sordaus israelís abatun dispués del atentáu dambus atacantis. Nuna llamá a l'agencia Reuters s'inculpun del atentáu miembrus del Grupu Islamista Yihad y dun grupu llamáu Comité de la Resistencia Populal. "Essigimus al Sharon que los israelís h.uyen de Gaza y non que se retirin, comu si h.uera una vihtoria suya".