IRAQ

L'escándalu de las torturas creci pa sel ya unu de los mayoris desastris de la política esteriol estauñiensi. El "Washington Post" publicó oi una seri de nuovas fotus, cuya crueldá y despreciu a la umaniá son difícilis de superal. ¿Será'l Donald Rumsfeld el primel miembru de la gobielna Bush en cael por esti escándalu?

Nuna de las fotus domeña una sordáu meyanti una especi de correa pa perrus a un presu iraquí desnú. El diariu informó de que tiei más de 1000 tomas digitalis que muestran sotrus maltratus ena prisión d'Abu Ghuraib. Otras fotus ensiñan presus desnús mientris stan esposaus a cambas o barrotis. Unu de los presus lleva una braga de muhel sob·ri la su cara.

Un presu iraquí informó de los abusus al serviciu árabi de la BBC. Dispués d'una pelea cun un encargáu iraquí del centru cortun a tolus presus implicaus los ropahis cun un cuchillu de cozina, sigún Hayder Sabbar Abd, que tamién h.ue entrevistáu pol "Herald Tribune". "Mus ihun que debíamus masturbarnus en direción d'una sordáu", sigún ihu a la BBC. Cuandu se negun a h.azelu furun pegaus. Ansí rumpióssi la su mandíbula, sigún él.

Finalmenti furun ataus cun correas y obligaus a ladral. "Ellus debían silval, y nusotrus ladral comu perrus", ihu l'iraquí. Dispués, tolus implicaus tuvun de ponessi encima de los otrus. A l'entrevista añadió la BBC que nu h.ue pussibli verifical los datus de los testigus, peru paeci que las declaracionis de Abd coincidían colas de las investigacionis del Ministeriu de Defensa estauñiensi.

Abondas de las fotus, que furun grabás en CD, circulaban pur una basi estauñiensi enus EUA y mostraban solamenti la vía normal del sordáu n'Iraq, funcionandu comu una especi "diariu fotográficu". Otras fotus nel CD, que ya h.urun mostrás ena caena CBS, disparun l'escándalu.

El "Post" informó de qu'el Pentágonu non h.izu casu de las peticionis de l'alministración de los EUA en Bagdá y del Ministeriu d'Assuntus Esterioris de preocupassi del problema colus presus. Dispués el propiu Powell tendría pedíu prontu y varias vezis, soltal el mássimu númiru de presus y tratal al restu correhtamenti.

Mientristantu ihu la comissión pa los servicius secretus del Senáu de los EUA que tuavía nu abía nenguna prueba de que los agentis del serviciu d'inteligencia ordenaran los maltratus n'Abu Ghuraib.

Rumsfeld ena línea de fuegu

El Ministru de Defensa , Donald Rumsfeld, sta ca vezi más bahu la pressión populal, especialmenti des qu'apaeçun las últimas fotus. Comu primel políticu d'artu nivel en h.azelu, essigió'l senaol demócrata Joe Biden la demissión del Rumsfeld. El miembru de la Comissión de Defensa del Senáu ihu que alguien tendría de sel responsabli polas acionis de los sus subordinaus. Nuna frasi pa recordal el passáu comu pilotu y istruhtol de vuelu de Rumsfeld dende 1954 h.asta 1957, ihu'l demócrata Biden: "cuandu un capitán toma tierra, y perdi'l su comandu, é igual si é culpabli o non". N'abondus comentarius de prensa pióssi la demissión del Rumsfeld.

El presienti George Bush ihu al Rumsfeld sigún los reportahis de los meyus estauñiensis que nu staba contentu pola su ahtuación. Ena cumparecencia anti la Comissión de Defensa del Senáu esperan al Rumsfeld abondus senaoris disgustaus. Tos quiein sab·el por qué h.ue ocultáu tantu tiempu a la comissión. Tamién quiein sab·el si los sordaus h.izun to solus, o si furun comandaus pur alguien.

Munchus senaoris stan comu'l Bush enfadaus por enterassi por mé los diarius de las fotus de presus maltrataus, y de non conocel el informi internu completu sob·ri los h.echus ena prisión d'Abu Ghuraib.

IRAQ

U escándalu das torturas creci pa sel ia ún dus maioris desastris da política esteriol estauñensi. U "Washington Post" publicó oji una seri de novas fotus, cuia crueldái y despreciu á umaniái son difíceis de superal. ¿Será Donald Rumsfeld u primel membru du Gobelnu Bush en quel pur esti escándalu?

Nuna das fotus domina una sordáu meianti una especi de correa pa pirrus a un presu iraquí encoiráu. U diariu informó de que ten mais de 1000 tomas dixitais que mostran oitrus maltratus na prisión d'Abu Ghuraib. Oitras fotus ensinan presus encoiráus mentras están esposaus a camas o barrotis. Ún dus presus leva una braga de mullel sobri a súa cara.

Un presu iraquí informó dus abusus au serviciu árabi da BBC. Dispois d'una pelea cun un encargáu iraquí du centru cortaran a to us presus implicaus us roipaxis cun un cutelu de coziña, sigún Hayder Sabbar Abd, que tamén foi entrevistáu pur u "Herald Tribune". "Mus ixeran que debíamus masturbalnus en direción d'una sordáu", sigún eixu á BBC. Cuandu se negun a fizelu foran pegaus. Assina rumpióssi a súa mandíbula, sigún eli.

Finalmenti foran ataus cun correas y obligaus a ladral. "Elis debían silval, y nusotrus ladral comu pirrus", eixu u iraquí. Dispois, to us implicaus tiveran que ponessi encima dus oitrus. Á entrevista añadió a BBC que nun foi pussibli verifical us datus dus testigus, peru paeci que as declaraciós de Abd cuincidían cun as das investigaciós du Ministeriu de Defensa estauñensi.

Abondas das fotus, que foran grabás en CD, circulaban pur una basi estauñensi nus EUA y mostraban solamenti a vía normal du sordáu n'Iraq, funcionandu cumu una especi "diariu fotográficu". Oitras fotus nu CD, que ia foran mostrás na cadea CBS, dispararan u escándalu.

U "Post" informó de que u Pentágonu non fizu casu das peticiós da alministración dus EUA en Bagdá y du Ministeriu d'Assuntus Esterioris de preocupassi du problema cun us presus. Dispóis u propiu Powel tendría pidíu prontu y varias vezis, soltal u mássimu númiru de presus y tratal al restu correhtamenti.

Mentrastantu eixu a comissión pa us servicius secretus du Senáu dus EUA que inda nun abía niñuna proba de que us axentis du serviciu d'intelixencia ordenassin us maltratus n'Abu Ghuraib.

Rumsfeld na liña de fogu

U Ministru de Defensa, Donald Rumsfeld, está ca vé mais baixu a pressión populal, especialmenti desde qu'apareceran as últimas fotus. Cumu primel políticu d'artu nivel en fizelu, essixió u senaol demócrata Joe Biden a dimissión du Rumsfeld. U membru da Comissión de Defensa du Senáu eixu que alguen tendría de sel responsabli pulas aciós dus seis subordinaus. Nuna frasi pa recordal u passáu cumu pilotu y istruhtol de volu de Rumsfeld desde 1954 h.asta 1957, eixu u demócrata Biden: "cuandu un capitán toma terra, y perdi u sei comandu, é igual si é culpabli o non". N'abondus comentarius de prensa pióssi a dimissión du Rumsfeld.

U presienti George Bush eixu au Rumsfeld sigún us reportaxis dus meius estauñensis que nun estaba contentu pula sei ahtuación. Na cumparecencia anti a Comissión de Defensa du Senáu esperan au Rumsfeld abondus senaoris disgustaus. Tos queren sabel pur qué foi ocultáu tantu tempu á comissión. Tamén queren sabel si us sordaus fizun to solus, o si foran comandaus pur alguen.

Mutus senaoris están cumu u Bush enfadaus pur enterassi pur meiu dus diarius das fotus de presus maltrataus, y de non coñocel u informi internu cumpletu sobri us feitus na prisión d'Abu Ghuraib.

IRAQ

L'escándalu de les tortures creci pa sel ya unu de los mayoris desastris de la política esteriol estauhuniensi. El "Washington Post" publicó oi una seri de nueves fotus, cuya crueldá y despreciu a la umanidá son difícilis de superal. ¿Sedrá Donald Rumsfeld el primel miembru de la gobielna Bush en cael por esti escándalu?

Nuna de les fotus domeña una sordáu meyanti una especi de correa pa perrus a un presu iraquí desnú. El diariu informó de que tiei más de 1000 tomes digitales que muestren sotrus maltratus ena prisión d'Abu Ghuraib. Otres fotus ensiñen presus desnús mientris stan esposaus a cambes o barrotes. Unu de los presus lleva una braga de muhel sob·ri la su cara.

Un presu iraquí informó de los abusus al serviciu árabi de la BBC. Dispués d'una pelea con un encargáu iraquí del centru cortun a tolos presus implicaus los ropahis con un cuchillu de cozina, sigún Hayder Sabbar Abd, que tamién h.ue entrevistáu pol "Herald Tribune". "Nus ihun que debíamus masturbarnus en direción d'una sordáu", sigún ihu a la BBC. Cuandu se negun a h.azelu furun pegaus. Ansí rumpióssi la su mandíbula, sigún él.

Finalmenti furun ataus con correes y obligaus a ladral. "Ellus debían silval, y nusotrus ladral comu perrus", ihu l'iraquí. Dispués, tolos implicaus tuvun de ponessi encima de los otrus. A l'entrevista añadió la BBC que nu h.ue pussibli verifical los datus de los testigus, peru paeci que les declaraciones de Abd coincidíen coles de les investigaciones del Ministeriu de Defensa estauhuniensi.

Abondes de les fotus, que furun grabaes en CD, circulaben por una basi estauhuniensi enos EHA y mostraben solamenti la vía normal del sordáu n'Iraq, funcionandu comu una especi "diariu fotográficu". Otres fotus nel CD, que ya furun mostraes ena caena CBS, disparun l'escándalu.

El "Post" informó de qu'el Pentágonu non h.izu casu de les peticiones de l'alministración de los EHA en Bagdá y del Ministeriu d'Assuntus Esterioris de preocupassi del problema colos presus. Dispués del propiu Powell tendría pedíu prontu y varies vezes, soltal el mássimu númberu de presus y tratal al restu correhtamenti.

Mentrestantu ihu la comissión pa los servicius secretus del Senáu de los EHA que tuavía nu abía nenguna prueba de que los agentis del serviciu d'inteligencia ordenaren los maltratus n'Abu Ghuraib.

Rumsfeld ena línea de fuegu

El Ministru de Defensa , Donald Rumsfeld, sta ca vezi más bahu la pressión populal, especialmenti des qu'apaeçun les últimes fotus. Comu primel políticu d'altu nivel en h.elu, essigió'l senaol demócrata Joe Biden la demissión del Rumsfeld. El miembru de la Comissión de Defensa del Senáu ihu que alguien tendría de sel responsabli poles aciones de los sus subordinaus. Nuna frasi pa recordal el passáu comu pilotu y istruhtol de vuelu de Rumsfeld dende 1954 h.asta 1957, ihu'l demócrata Biden: "cuandu un capitán toma tierra, y perdi'l su comandu, é igual si é culpabli o non". N'abondus comentarius de prensa pióssi la demissión del Rumsfeld.

El presidenti George Bush ihu al Rumsfeld sigún los reportahis de los meyus estauhuniensis que nu staba contentu pola su ahtuación. Ena comparecencia anti la Comissión de Defensa del Senáu esperan al Rumsfeld abondus senaoris disgustaus. Tos quiein sab·el por qué h.ue ocultáu tantu tiempu a la comissión. Tamién quiein sab·el si los sordaus h.izun to solus, o si furun comandaus por alguien.

Munchus senaoris stan comu'l Bush enfadaus por enterassi por mé los diarius de les fotus de presus maltrataus, y de non conocel el informi internu completu sob·ri los h.echus ena prisión d'Abu Ghuraib.