NOTICIAS
AHTUALIDÁ
OPINIÓN
ARCHIVU
RECURSUS
LENGUAS
ESTORIA
GEOGRAFÍA
DESCARGAS
DESTACAUS
FORU
DESTACÁU
IVENTIA
PUBLICIDÁ
TRAUCIONIS
CUNTAHTU
IVENTIA
ESTREMEÑU UNIFICÁU
 
XALIMEGU
 
PALRA D'EL REBOLLAL

IRAQ

Enus durus combatis de la ciá santa iraquí de Nayaf dañóssi unu de los más importantis santuarius de los chiitas. El crérigu radical al-Sadr llamó a tolus chiitas a levantassi'n defensa de la ciá.

Ena cúpula dorá sob·ri'l relicariu del Imam Ali puían vessi cuatru grandis buherus. Las imágenis s'emitun polas caenas árabis de tola región. Un potavozi del guía espiritual chiita Muktada al-Sadr h.izu a las tropas de los EUA responsablis. En Bagdá animun militantis d'al-Sadr a tolus chiitas a viahal a la ciá de Nayaf a defendela.

El portavozi d'al-Sadr, Kais al-Chasali, ehó un cinturón de munición alcuentráu ena reliquia delantri dun reporteru: "solo los americanus tiein balas comu istas", ihu. Enas luchas que se repitin al meyudía murrun oi 3 miembrus de la milicia Mahdi d'al-Sadr. Un ospital anunció cuatru muertus y 22 h.eríus. Ena mayoría de los casus trátassi de civilis iraquís.

Alreol 300 miembrus de la milicia al-Mahdi reúnunsi oi meyudía delantri del cuartel d'al-Sadr y alçun cun húbilu pieças del su botín. Una paecía una puerta dun veículu milital de los EUA, otrus hombris cargun cinturonis de munición.

Al-Sadr responsabiliçó a los EUA y al Reinu Uñíu nel su sermón del vielnis d'innoral el sufrimientu de los presus iraquís enas prisionis de la coalición. Llamó nuovamenti a tolus iraquís a reunissi pa defendel Iraq, y hulgó comu traidoris a tolus que labutan colas tropas de la coalición.

 

IRAQ

Nus durus cumbatis da ciái santa iraquí de Nayaf danóssi ún dus mais importantis santuarius dus chiitas. U crérigu radical al-Sadr chamó a to us chiitas a levantalsi'n defensa da ciái.

Na cúpula dorá sobri u relicariu du Imam Ali puían velsi cuatru grandis buracus. As imaxis s'emiteran pulas cadeas árabis de to a rexión. Un portavó du guía espiritual chiita Muktada al-Sadr fizu ás tropas dus EUA responsablis. En Bagdá animaran militantis d'al-Sadr a to us chiitas a viajal á ciái de Nayaf a defendela.

U portavó d'al-Sadr, Kais al-Chasali, deixó un cinturón de munición encontráu na reliquia deiantri dun reporteiru: "sólu us americás ten balas cumu istas", eixu. Nas lutas que se repitin au meiudía morreran oji 3 membrus da milicia Mahdi d'al-Sadr. Un ospital anunció cuatru mortus y 22 feríus. Na maioría dus casus trátassi de civilis iraquís.

Arriol 300 membrus da milicia al-Mahdi reuneransi oji meiudía deiantri du cuartel d'al-Sadr y alçaran cun júbilu peças du sei botín. Una parecía una porta dun veículu milital dus EUA, oitrus omis cargaran cinturós de munición.

Al-Sadr responsabiliçó aus EUA y au Reinu Uñíu nu sei sermón du vielnis d'innoral u sufrimentu dus presus iraquís nas prisiós da coalición. Chamó novamenti a to us iraquís a reunissi pa defendel Iraq, y julgó cumu traidoris a to us que traballan cun as tropas da coalición.

 

IRAQ

Enos durus combatis de la ciá santa iraquí de Nayaf dañóssi unu de los más importantis santuarius de los chiites. El crérigu radical al-Sadr llamó a tolos chiites a levantassi'n defensa de la ciudá.

Ena cúpula dorá sob·ri'l relicariu del Imam Ali puíen vessi cuatru grandis buherus. Les imágenes s'emitun poles caenes árabes de tola región. Un potavozi del guía espiritual chiita Muktada al-Sadr h.izu a les tropes de los EHA responsablis. En Bagdá animun militantis d'al-Sadr a tolos chiites a viahal a la ciá de Nayaf a defendela.

El portavozi d'al-Sadr, Kais al-Chasali, ehó un cinturón de munición alcuentráu ena reliquia delantri dun reporteru: "solo los americanus tiein bales comu estes", ihu. Enes luches que se repitin al meyudía murrun oi 3 miembrus de la milicia Mahdi d'al-Sadr. Un ospital anunció cuatru muertus y 22 h.eríus. Ena mayoría de los casus trátassi de civilis iraquís.

Alreol 300 miembrus de la milicia al-Mahdi reúnunsi oi meyudía delantri del cuartel d'al-Sadr y alçun con húbilu pieces del su botín. Una paecía una puerta dun veículu milital de los EHA, otrus hombris cargun cinturonis de munición.

Al-Sadr responsabiliçó a los EHA y al Reinu Huníu nel su sermón del vienris d'innoral el sufrimientu de los presus iraquís enes prisiones de la coalición. Llamó nuovamenti a tolos iraquís a reunissi pa defendel Iraq, y hulgó comu traidoris a tolos que labuten coles tropes de la coalición.

 

 

colabora | destacáu | lenguas | istoria | xeografía | descargas | foru | publiciái | servicius | cuntahtu

©2004 iventia.com