NOTICIAS
AHTUALIDÁ
OPINIÓN
ARCHIVU
RECURSUS
LENGUAS
ESTORIA
GEOGRAFÍA
DESCARGAS
DESTACAUS
FORU
DESTACÁU
IVENTIA
PUBLICIDÁ
TRAUCIONIS
CUNTAHTU
IVENTIA
ESTREMEÑU UNIFICÁU
 
XALIMEGU
 
PALRA D'EL REBOLLAL

ESTAUS UÑÍUS D'AMÉRICA

El Ministru de Defensa de los EUA Donald Rumsfeld aprobó sigún dalgunus meyus estauñiensis las torturas a presus. La gobielna ya desmintió las acusacionis comu "falsas y cuspiraoras".

Istas acusacionis son "falsas, cuspiraoras y especulacionis totalmenti anónimas", ihu nuna entevista la portavozi del Ministeriu de Defensa. Nin el Rumsfeld nin los sus labutaoris acehtun issas h.ormas d'interrogatoriu. Los maltratus de presus iraquís ena prisión d'Abu Ghuraib en Bagdá levantun nel mundu enteru indinnación y enus EUA las pressionis pa la demissión del Rumsfeld.

La revista "New Yorker" informó ena su página d'Internet de que los metous más durus furun aprobaus pol crecienti rechaçu a las tropas d'ocupación n'Iraq, metous que ya anteriormenti furun usaus n'Iraq pa ohtenel información sob·ri los miembrus de l'organiçación islamista Al-Qaida. El plan especial d'interrogatorius abríe síu pur tantu parti d'una "programa especial d'ataqui", qu'ena lucha contra'l terrorismu permitía matal ohetivus importantis, apresal sospechosus o interrogalus.

Las reglas abríen sonáu assina: "H.azel lu que seya necessariu. H.azel lu que queráis", sigún informó la revista citandu a un antigu labutaol de los servicius secretus estauñiensis.

Rumsfeld sta ca vezi más bahu pressión, dispués de que se supiera que sordaus americanus torturun y umillun a los presus iraquís ena prisión d'Abu Ghuraib en Bagdá. Las fotus y los vídeus que muestran las torturas "nu se basan nuna programa o librinu escolal, nuna indicación u ordin de cualisquiera tipus del Ministeriu de Defensa", ihu la portavozi del Ministeriu.

 

ESTAUS UÑÍUS D'AMÉRICA

U Ministru de Defensa dus EUA Donald Rumsfeld aprobó sigún dalgúns meius estauñensis as torturas a presus. U gobelnu ia desmintió as acusaciós cumu "falsas y cuspiraoras".

Istas acusaciós son "falsas, cuspiraoras y especulaciós totalmenti anónimas", eixu nuna entrevista a portavó du Ministeriu de Defensa. Nin u Rumsfeld nin us seis traballaoris acehtaran issas formas d'interrogatoriu. Us maltratus de presus iraquís na prisión d'Abu Ghuraib en Bagdá levantaran nu mundu enteru indinnación y nus EUA as pressiós pa a dimissión du Rumsfeld.

A revista "New Yorker" informó na súa páxina d'Internet de que us metous mais durus foran aprobaus pur u crecenti rejeitu ás tropas d'ocupación n'Iraq, metous que ia anteriormenti foran usaus n'Iraq pa ohtenel información sobri us membrus da organiçación islamista Al-Qaida. U plan especial d'interrogatorius abría síu pur tantu parti d'una "programa especial d'ataqui", que na loita contra u terrorismu permitía matal oxetivus importantis, apresal sospeitosus o interrogalus.

As reglas abrían sonáu assina: "Fizel u que sea necessariu. Fizel u que queráis", sigún informó a revista citandu a un antigu traballaol dus servicius secretus estauñensis.

Rumsfeld está ca vé mais baixu pressión, dispois de que se sepa que sordaus americás torturaran y umillaran aus presus iraquís na prisión d'Abu Ghuraib en Bagdá. As fotus y us vídeus que mostran as torturas "nun se basan nuna programa o libriñu escolal, nuna indicación u ordin de cuaisquer tipus du Ministeriu de Defensa", eixu a portavó du Ministeriu.

 

ESTAUS HUNÍUS D'AMÉRICA

El Ministru de Defensa de los EHA Donald Rumsfeld aprobó sigún dalgunus meyus estauhuniensis les tortures a presus. La gobielna ya desmintió les acusaciones comu "falses y cuspiraores".

Estes acusaciones son "falses, cuspiraores y especulaciones totalmenti anónimes", ihu nuna entevista la portavozi del Ministeriu de Defensa. Nin el Rumsfeld nin los sus labutaoris acehtun esses h.ormes d'interrogatoriu. Los maltratus de presus iraquís ena prisión d'Abu Ghuraib en Bagdá levantun nel mundu enteru indinnación y enos EHA les pressiones pa la demissión del Rumsfeld.

La revista "New Yorker" informó ena su página d'Internet de que los metous más durus furun aprobaus pol crecienti rechaçu a les tropes d'ocupación n'Iraq, metous que ya anteriormenti furun usaus n'Iraq pa ohtenel información sob·ri los miembrus de l'organiçación islamista Al-Qaida. El plan especial d'interrogatorius abríe síu por tantu parti d'una "programa especial d'ataqui", qu'ena lucha contra'l terrorismu permitía matal ohetivus importantis, apresal sospechosus o interrogalus.

Les regles abríen sonáu assina: "H.azel lu que seya necessariu. H.azel lu que queráis", sigún informó la revista citandu a un antigu labutaol de los servicius secretus estauhuniensis.

Rumsfeld sta ca vezi más bahu pressión, dispués de que se supiera que sordaus americanus torturun y umillun a los presus iraquís ena prisión d'Abu Ghuraib en Bagdá. Les fotus y los vídeus que muestran les tortures "nu se basen nuna programa o librinu escolal, nuna indicación u ordin de cualisquiera tipus del Ministeriu de Defensa", ihu la portavozi del Ministeriu.

 

colabora | destacáu | lenguas | istoria | xeografía | descargas | foru | publiciái | servicius | cuntahtu

©2004 iventia.com