IRAQ

El primel ministru d'Iraq izi que l'anteriol presienti Saddam Hussein sedrá entregáu bahu custodia legal de la gobielna iraquí el miérculis y processáu al día siguienti.

Saddam Hussein, que h.ué cahturáu polas h.uercias de los EE.UU. cerca de la su ciá de nacencia Tikrit en Diciembri, permanecerá nuna cárcel estauñiensi h.asta que los servicius de detención iraquís sten listus pa tomal la su custodia plena.

Non sedrá hulgáu h.asta dientru dunus mesis, peru puiríe sel cunducíu anti un huez esti mesmu Huevis. El reporteru de la BBC en Bagdá John Simpson izi qu'el primel ministru interinu á forçáu a los americanus a dal ichu passu insistiendu ena necessiá de l'estradición.

Washington reacionó friamenti a l'idea cuandu h.ue sugiría pur primel vezi a prencipius desti mes, peru non lu púu rechaçal ya ensín dañal seriamenti l'autoriá del Allawi. La Cruzi Roha Internacional ihu que los EE.UU. violaríen la cunvención de Ginebra si siguieren manteniendu al prisioneru dispués de que la gobielna iraquí aiga tomáu de nuovu'l puel.

S'aspera que Saddam Hussein s'enfrenti a crímenis de guerra pola invassión de Kuwait en 1990 y la sussiguienti repressión del levantamientu chiita y kurdu, l'usu d'armas químicas contra los kurdus en 1988 y la guerra d'Irán ente 1980 y 1988

Un miembru de l'equipu legal de Saddam Hussein, Giovanni di Stephano, ihu a la BBC que prepararíen la su defensa una vezi los cargus contra él fueran siñalaus craramenti. L'abogáu pió acessu libri al su clienti y un informi méicu independienti pa vel si sta capacitáu pa enfrentassi a un huiciu.

IRAQ

U primel ministru d'Iraq eizi que u anteriol presienti Saddam Hussein será entregáu baixu custodia legal du gobelnu iraquí u miérculis y processáu au día seguinti.

Saddam Hussein, que foi cahturáu pulas forças dus EE.UU cerca da súa ciái de nacencia Tikrit en Diziembri, permanecerá nuna cárcel estauñensi h.asta que us servicius de detención iraquís estén listus pa tomal a súa custodia plena.

Non será julgáu h.asta dentru dúns mesis, peru puiría sel cunducíu anti un hué esti mesmu Huevis. U reporteiru da BBC en Bagdá John Simpson eizi que u primel ministru interinu á forçáu aus americás a dal eitu passu insistiendu na necessiái da estradición.

Washington racionú friamenti á idea cuandu foi suxiría pur primeira vé a principius desti mes, peru non u púu rechaçal ia sin danal seriamenti a autoriái du Allawi. A Crú Roha Internacional eixu que us EE.UU. violarían a cunvención de Xinebra si sigueran mantendu au prisioneiru dispois de que u gobelnu iraquí aia tomáu de novu u puel.

S'espera que Saddam Hussein s'enfrenti a crímenis de guerra pula invassión de Kuwait en 1990 y a susseguinti repressión du levantamentu chiita y kurdu, u usu d'armas químicas contra us kurdus en 1988 y a guerra d'Irán entre 1980 y 1988.

Un membru du equipu legal de Saddam Hussein, Giovanni di Stephano, eixu á BBC que prepararían a súa defensa una vé us cargus contra eli foran siñalaus craramenti. U abogáu pió acessu libri au sei clienti y un informi mecu independenti pa vel si está capacitáu pa enfrentassi a un juiciu.

IRAQ

El primel ministru d'Iraq izi que l'anteriol presidenti Saddam Hussein sedrá entregáu bahu custodia legal de la gobierna iraquí el miérculis y processáu al día siguienti.

Saddam Hussein, que h.ué cahturáu poles h.uercies de los EE.HH. cerca de la su ciá de nacencia Tikrit en Diciembri, permanecerá nuna cárcel estauhuniensi h.asta que los servicius de detención iraquís sten listus pa tomal la su custodia plena.

Non sedrá hulgáu h.asta dientru dunus mesis, peru puiríe sel conducíu anti un huez esti mesmu Huevis. El reporteru de la BBC en Bagdá John Simpson izi qu'el primel ministru interinu á forçáu a los americanus a dal ichu passu insistiendu ena necessidá de la estradición.

Washington reacionó friamenti a la idea cuandu h.ue sugería por primel vezi a prencipius desti mes, peru non lu púu rechaçal ya ensin dañal seriamenti l'autoridá del Allawi. La Cruzi Roha Internacional ihu que los EE.HH. violaríen la convención de Ginebra si siguieren manteniendu al prisioneru dispués de que la gobierna iraquí aiga tomáu de nuevu'l puel.

S'aspera que Saddam Hussein s'enfrenti a crímenis de guerra pola invassión de Kuwait en 1990 y la sussiguienti repressión del levantamientu chiita y kurdu, l'usu d'armes químiques contra los kurdus en 1988 y la guerra d'Irán ente 1980 y 1988

Un miembru del equipu legal de Saddam Hussein, Giovanni di Stephano, ihu a la BBC que prepararíen la su defensa una vezi los cargus contra él fueren señalaus craramenti. L'abogáu pió acessu libri al su clienti y un informi médicu independienti pa vel si sta capacitáu pa enfrentassi a un huiciu.