IRAQ

Un grupu vinculáu cun Al-Qaida y dirigíu pur Abu Mussa al-Sarkawi reconoció abel planeáu l'ataqui al presienti del Cunsehu iraquí, Issedin Salim. Sarkawi cunsiérassi la manu direcha d'Osama bin Laden, y se le crei responsabli de numirosus assessinatus nel Iraq.

El grupu estremista reconoció abel cometíu l'atentau n'Internet. L'acraración del grupu "Yamaat al-Tawhid wa Yihad" publicóssi oi nuna web del día 17 Mayu. Dientru la web se reconoci'l saudita Abu Salama al-Hegasj comu autol de los atentaus. Si l'información n'árabi que caltieni la página vieni verdaeramenti del Sarkawi tuavía nu sta craru. Enantis distu inculpóssi del atentáu un grupu h.asta agora desconocíu de nombri "Brigás d'Al-Rashid".

El hombri de cunfiancia del Bin Laden ya fue h.echu responsabli anteriormenti de numirosus atentaus n'Iraq. Sigún informacionis de la CIA decapitó él mesmu mui probablementi al americanu Nicholas Berg.

La gobielna estauñiensi pussu nel intervalu preciu a la su cab·eça por valol de 10 millonis de dólaris. Los ataquis a Kerbala y Bagdá, enus que murrun en Malçu desti añu 181 personas, furun planeaus por él; tamién los atentaus a Basora, que n'Ab·ril custó la vía a 74 hombris. Amás distu tamién nel ataqui d'Agostu del passáu añu a l'embahá hordana y l'ataqui a pelegrinus chiitas en Noviembri engrossan la su cuenta d'atentaus.

El cianu hordanu Sarkawi h.ízussi un nombri nel tiempu comu "árabi afganu", comu unu de los árabis qu'enus añus 80 defendió Afganistán ena lucha contra la ocupación soviética. Se le cunsiera un espertu ena fabricación de venenu. Dispués de la retirá de los soviéticus en 1989 golvió a Hordania, ondi passó sieti añus en prisión pol su intentu de derrocal a la monarquía y erigil un califatu islamista. Tiei 38 añus, y el su nombri de nacencia é Ahmed Fadl al-Chalaila.

IRAQ

Un grupu vinculáu cun Al-Qaida y dirixíu pur Abu Mussa al-Sarkawi recoñoció abel planeáu u ataqui au presienti du Cunsellu iraquí, Issedin Salim. Sarkawi cunsiérassi a man dereita d'Osama bin Laden, y se le crei responsabli de numirosus assessinatus nu Iraq.

U grupu estremista recoñoció abel cometíu u atentáu n'Internet. A acraración du grupu "Yamaat Tawhid wa Yihad" publicóssi oji nuna web du día 17 Maiu. Dentru da web se recoñoci u saudita Abu Salama al-Hegasj cumu autol dus atentaus. Si a información n'árabi que cuntén a páxina ven verdaeiramenti du Sarkawi inda nun está craru. Antis distu inculpóssi du atentáu un grupu h.asta agó descoñocíu de nomi "Brigás d'Al-Rashid".

U omi de cunfiança du Bin Laden ia foi feitu responsabli anteriormenti de numirosus atentaus n'Iraq. Sigún informaciós da CIA decapitó eli mismu mui probablementi au americán Nicholas Berg.

U gobelnu estauñensi pussu nu intervalu preciu á súa cabeça pur valol de 10 millós de dólaris. Us ataquis a Kerbala y Bagdá, nus que morreran en Malçu desti anu 181 persoas, foran planeaus pur eli; tamén us atentaus a Basora, que n'Abril custó a vía a 74 omis. Ademáis distu tamén nu ataqui d'Agostu du passáu anu á embaxá jordana y u ataqui a pelegrinus chiitas en Noviembri engrossan a súa conta d'atentaus.

U cián jordanu Sarkawi fízussi un nomi nu tempu cumu "árabi afganu", cumu ún dus árabis que nus anus 80 defendió Afganistán na luta contra a ocupación soviética. Se le cunsiera un espertu na fabricación de venén. Dispois da retirá dus soviéticus en 1989 volvió a Jordania, ondi passó seti anus en prisión pur u sei intentu de derrocal á monarquía y erixil un califatu islamista. Ten 38 anus, y u sei nomi de nacencia é Ahmed Fadl al-Chalaila.

IRAQ

Un grupu vinculáu con Al-Qaida y dirigíu por Abu Mussa al-Sarkawi reconoció abel planeáu l'ataqui al presidenti del Consehu iraquí, Issedin Salim. Sarkawi considérassi la manu direcha d'Osama bin Laden, y se le crei responsabli de numirosus assessinatus nel Iraq.

El grupu estremista reconoció abel cometíu l'atentau n'Internet. L'aclaración del grupu "Yamaat al-Tawhid wa Yihad" publicóssi oi nuna web del día 17 Mayu. Dientru la web se reconoci'l saudita Abu Salama al-Hegasj comu autol de los atentaus. Si la información n'árabi que caltieni la página vieni verdaeramenti del Sarkawi tuavía nu sta craru. Enantis distu inculpóssi del atentáu un grupu h.asta agora desconocíu de nombri "Brigaes d'Al-Rashid".

L'ombri de confiancia del Bin Laden ya h.ue h.echu responsabli anteriormenti de numirosus atentaus n'Iraq. Sigún informaciones de la CIA decapitó él mesmu mui probablementi al americanu Nicholas Berg.

La gobielna estauhuniensi pussu nel intervalu preciu a la su cab·eça por valol de 10 millonis de dólaris. Los ataquis a Kerbala y Bagdá, enos que murrun en Malçu desti añu 181 persones, furun planeaus por él; tamién los atentaus a Basora, que n'Ab·ril custó la vía a 74 ombris. Amás distu tamién nel ataqui d'Agostu del passáu añu a la embahá hordana y l'ataqui a pelegrinus chiites en Noviembri engrossen la su cuenta d'atentaus.

El cianu hordanu Sarkawi h.ízussi un nombri nel tiempu comu "árabi afganu", comu unu de los árabis qu'enos añus 80 defendió Afganistan ena lucha contra la ocupación soviética. Se le considera un espertu ena fabricación de venenu. Dispués de la retirá de los soviéticus en 1989 golvió a Hordania, ondi passó sieti añus en prisión pol su intentu de derrocal a la monarquía y erigil un califatu islamista. Tiei 38 añus, y el su nombri de nacencia é Ahmed Fadl al-Chalaila.