ESTREMAÚRA

La recoleción del tomati s'inició cun normaliá, anque farta personal cualificáu. Enas vegas artas y bahas del Guadiana, las máquinas cosechaoras recuegin a buen rimmu'l "oru rohu". www.hoy.es

La normaliá é la nota domeñanti enas dos primel semanas de recoleción del tomati n'Estremaúra. Las nuovas industrias treh.ormaoras assorbin cun fluidez el frutu de las tomateras más adelantrás, a l'igual qu'ocurri nel restu de las fahtorías.

Las máquinas cosechaoras h.orman parti nestus días del paisahi abitual de los campus de las vegas artas y bahas del Guadiana, ensín olvial la zona cacereña de Coria. El tamién llamáu pur dalgunus "oru rohu" ya recorri las carreteras d'Estremaúra nel trayehtu dend'el campu h.aza la fábrica ondi é treh.ormáu'n cuncentráu y llenáu'n bidonis pa la su posteriol comercialiçación.

Son unas 27.500 ehtáreas las que se cultivan de tomati n'Estremaúra, y non 20.000, comu indicó h.azi unus días la mesa del tomati, datu que rehtificó la propia mesa. Las industrias funcionan pol momentu al 50 pur cientu y se prevé qu'enus próssimus días ya operin al 100 pur cien.

H.uentis del sehtol siñalan un peru nesti comenciu de la recoleción tomatera, que nu é sotru que la farta de personal cualificáu, especialmenti maquinistas y trahtoristas. Al paecel, ista carencia de labutaoris h.ormaus non é solo atribuyibli a las tareas que requierin más especialiçación nel tomati, sinón que se da n'otrus cultivus comu l'azituna o la fruta. "Las autoriais y los propius trab·ahaoris debin dassi cuenta de que se puei sel buenu en distintus cultivus que non coincían nel tiempu - relata un agricultol propietariu al pie la su parcela-. Pur ehemplu, un buen podaol puei sel tamién un buen maquinista ena recoleción del tomati y posteriolmenti eficienti nel manehu de la maquinaria de recuegía d'azituna".

Nesti sintíu, las mesmas h.uentis sugierin que l'organismu cumpetenti imparta cursus pa h.ormal personal cualificáu; nesti casu de maquinistas y trahtoristas ena recoleción del tomati. A la vezi, la sugerencia é dob·li pal labutaol agrícula, a fin de qu'assista a istus cursus y puea tenel asseguráu duranti más tiempu un puestu de trab·ahu.

ESTREMAÚRA

A recoleción du tomati s'inició cun normaliái, inda que farta persoal cualificáu. Nas vegas artas y baixas du Guadiana, as máquinas cosechaoras recollin a bo rimmu u "oiru rohu".

A normaliái é a nota dominanti nas dois primeiras semás de recoleción du tomati n'Estremaúra. As novas industrias trasformaoras assorbin cun fluidé u frutu das tomateiras mais adiantrás, au igual qu'ocurri nu restu das fahtorías.

As máquinas cosechaoras forman parti nestis días du paisagi abitual dus campus das vegas artas y baixas du Guadiana, sin olvial a zona cacereña de Coria. U tamén chamáu pur algúns "oiru rohu" ia recorri as carreteiras d'Estremaúra nu trajetu desde u campu faza a fábrica ondi é trasformáu'n cuncentráu y chenáu'n bidós pa a súa posteriol comercialiçación.

Son unas 27.500 ehtáreas as que se cultivan de tomati n'Estremaúra, y non 20.000, cumu indicó fazi uns días a mesa du tomati, datu que rehtificó a propia mesa. As industrias funcionan pur u momentu au 50 pur centu y se prevéi que nus próssimus días ia operin au 100 pur cien.

Fontis du sehtol siñalan un peru nesti iniciu da recoleción tomateira, que nun é oitru que a farta de persoal cualificáu, especialmenti maquinistas y trahtoristas. Au parecel, esta carencia de traballaoris formaus non é sólu atribuibli ás tareas que requerin mais especialiçación nu tomati, sinón que se da n'oitrus cultivus cumu a azituna o a fruta. "As autoriais y us propius traballaoris debin dalsi conta de que se poi sel bo'n distintus cultivus que non coincían nu tempu - relata un agricultol propietarius au pe da súa parcela-. Pur ehemplu, un bo podaol poi sel tamén un bo maquinista na recoleción du tomati y posteriolmenti eficienti nu manexu da maquinaria de recollía d'azituna".

Nesti sintíu, as mismas fontis suxerin que u organismu cumpetenti imparta cursus pa formal persoal cualificáu; nesti casu de maquinistas y trahtoristas na recoleción du tomati. Á vé, a suxerencia é dobli pa u traballaol agrícula, a fin de qu'assista a estis cursus y poa tel asseguráu duranti mais tempu un postu de traballu.

ESTREMAÚRA

La recoleción del tomati s'inició cun normaliá, anque farta personal cualificáu. Enes vegues artes y bahes del Guadiana, les máquines cosechaores recuegin a buen rimmu'l "oru rohu". www.hoy.es

La normaliá é la nota domeñanti enes dos primel selmanes de recoleción del tomati n'Estremaúra. Les nueves industries treh.ormaores assorbin cun fluidez el frutu de les tomateres más adelantraes, a l'igual qu'ocurri nel restu de les fahtoríes.

Les máquines cosechaores h.ormen parti nestus días del paisahi abitual de los campus de les vegues artes y bahes del Guadiana, ensín olvial la zona cacereña de Coria. El tamién llamáu pur dalgunus "oru rohu" ya recorri les carreteres d'Estremaúra nel trayehtu dend'el campu h.aza la fábrica undi é treh.ormáu'n cuncentráu y llenáu'n bidonis pa la su posteriol comercialiçación.

Son unes 27.500 ehtáres les que se cultiven de tomati n'Estremaúra, y non 20.000, comu indicó h.azi unus díes la mesa del tomati, datu que rehtificó la propia mesa. Les industries funcionen pol momentu al 50 pur cientu y se prevé qu'enus próssimus díes ya operin al 100 pur cien.

H.uentis del sehtol siñalen un peru nesti comenciu de la recoleción tomatera, que nu é sotru que la farta de personal cualificáu, especialmenti maquinistes y trahtoristes. Al paecel, ista carencia de labutaoris h.ormaus non é solo atribuyibli a les tarés que requierin más especialiçación nel tomati, sinón que se da n'otrus cultivus comu l'azituna o la fruta. "Les autoridaes y los propius trab·ahaoris debin dassi cuenta de que se puei sel buenu en distintus cultivus que non coincíen nel tiempu - relata un agricultol propietariu al pie la su parcela-. Pur ehemplu, un buen podaol puei sel tamién un buen maquinista ena recoleción del tomati y posteriolmenti eficienti nel manehu de la maquinaria de recuegía d'azituna".

Nesti sintíu, les mesmes h.uentes sugierin que l'organismu cumpetenti imparta cursus pa h.ormal personal cualificáu; nesti casu de maquinistes y trahtoristes ena recoleción del tomati. A la vezi, la sugerencia é dob·li pal labutaol agrícula, a fin de qu'assista a istus cursus y puea tenel asseguráu duranti más tiempu un puestu de trab·ahu.