PURTUGAL

L'alcuentru ente los líderis de las gobiernas de Purtugal y España sirvió pa rafirmal las buenas relacionis bilateralis qu'enas parabras de José Luis Rodríguez Zapatero, nu se separun nin "un centímetru" pur causa d'Iraq.

"L'Iraq non va dessapartal nin un centímetru Mairil de Lisboa", afirmó'l presienti español. José Luis Rodríguez Zapatero y José Manuel Durão Barroso garantun momentus antis, ena cunferencia de prensa cunhunta, que las relacionis ente los dos paísis van "estrechassi" a pesal de que los sus ehecutivus tengan ocionis políticas diversas y la custión d'Iraq nu los puei dessapartal. Nessa imagin de hunión, los presientis dambas gobiernas española y purtuguesa mantúvunsi alreol diez minutus nuna amena caraba nel patiu de la presiencia oficial de S. Bento dispués de l'alcuentru oficial.

Los dos presientis procurun, al uníssonu, h.azel un innu a la prosperiá del entendimientu lusu-español. "Las relacionis ente Purtugal y España stan por cima de la cuyuntura política", ihu Barroso. Un entendimientu que dambus ihun querel aprofundil nel próssimu alcuentru bilateral que se raliça n'Ohtubri, en Santiagu de Compostela.

Ena cuasi h.ormá imagin perfehta d'armonía, los dos gobernantis surrayun que los cumpromisus firmaus ente Purtugal y España enus anterioris alcuentrus, tuavía ena vigencia de la gobielna d'Aznar, van cumprissi íntegramenti. Comu ehemplus cab·in citassi'l Mercáu Ibéricu de l'Elehtriciá (Mibel) y la redi ferroviaria que hunirá a dambus paísis a través del tren d'arta velociá.

José Luis Rodríguez Zapatero, nesta la su primel visita oficial a Purtugal dispués de sel investíu comu Presienti, ihu qu'España tiei ventaha pur labutal más próssimus de Purtugal ena Uñión Europea. "Tenemus abondus interesis comunis a defendel, más tuavía tras l'alargamientu", y añadió que "la relación ente Mairil y Lisboa tiei que sel una relación especial".

Dambus dirigentis cuasi passun pur cima de la custión más delicá, el su posicionamiento'n cuantu a l'intervención n'Iraq. Peru nu púun escapal a las preguntas de los periodistas, sob·ri to a las relativas a las críticas de l'ehecutivu purtugués al respehtivi de la decisión del lídel del PSOE de retiral las sus tropas d'aquel país.

Zapatero h.ue políticamenti correhtu: "tengu respetu pola posición de tolas gobiernas enas sus decisionis al respehtivi d'Iraq. Sientu tamién respetu pola posición que tomé". Barroso tamién añadió: "somus paísis independientis. Respetamus la posición de la gobielna española".

Zapatero tamién h.ue cautelosu al sel custionáu sob·ri la pussibli participación de las fuercias militaris españolas nel ámbitu d'una fuercia multinacional nel Iraq y a l'abrigu d'una resolución de la ONU. Reforçó l'idea de que "ya ái una fuercia multinacional nel Iraq", y adelantró que "otra cosa sedría una fuercia comandá polas Nacionis Uñías".

"H.ue'l míu desseyu. Stamus felizis pola pussibiliá de qu'essu aconteça". Mairil va "tenel una ahtitú de cuperación y de vel lu qu'é mehol pa la democracia y la soberanía d'Iraq", ihu.

PURTUGAL

U encontru entre us líderis dus gobernus de Purtugal y España sirvió pa rafirmal as boas relaciós bilaterais que nas palabras de José Luis Rodríguez Zapatero, nun se separaran nin "un centímetru" pur causa d'Iraq.

"U Iraq non vai dessapartal nin un centímetru Mairil de Lisboa", afirmó u presienti español. José Luis Rodríguez Zapatero y José Manuel Durão Barroso garanteran momentus antis, na cunferencia de prensa cunjunta, que as relaciós entre us dois paísis van a "estreitassi" a pesal de que us seis executivus tiñan ociós políticas diversas y a custión d'Iraq nun us poi separal. Nessa imaxi d'uñión, us presientis dambus gobelnus español y purtugués mantuvéransi arriol dé minutus nuna amena caraba nu patiu da presiencia oficial.

Us dois presientis procuraran, au unísonu, fizel un innu á prosperiái du entendimentu lusu-español. "As relaciós entre Purtugal y España están pur cima da cuiuntura política", eixu Barroso. Un entendimentu que dambus eixun quel aprofundil nu próssimu encontru bilateral que se raliça n'Ohtubri, en Santiagu de Compostela.

Na casi formá imaxi perfehta d'armonía, us dois gubernantis suliñaran que us cumpromisus firmaus entre Purtugal y España nus anterioris encontrus, inda na vixencia du gobelnu d'Aznar, van a cumprissi íntegramenti. Cumu ehemplus cabin citassi u Mercáu Ibéricu da Elehtriciái (Mibel) y a redi ferroviaria que uñirá a dambus paísis a través du tren d'arta velociái.

José Luis Rodríguez Zapatero, nesta a súa primeira visita oficial a Purtugal dispois de sel investíu cumu Presienti, eixu qu'España ten ventaxa pur traballal mais próssimus de Purtugal na Uñión Europea. "Temus abondus interesis comunis a defendel, inda mais tras u alargamentu", y añadió que "a relación entre Mairil y Lisboa ten que sel una relación especial".

Dambus dirixentis casi passaran pur cima da cuestión mais delicá, u sei posicionamentu'n cuantu a l'intervención n'Iraq. Peru nun púun escapal ás preguntas dus periodistas, sobri to ás relativas ás críticas du executivu purtugués respeitu da decisión du lídel du PSOE de retiral as súas tropas d'aquel país.

Zapatero foi políticamenti correhtu: "tiñu respeitu pula posición de to us gobernus nas súas decisiós respeitu d'Iraq. Sentu tamén respeitu pula posición que toméi". Barroso tamén añadió: "somus paísis independentis. Respeitamus a posición du gobelnu español".

Zapatero tamén foi cautelosu au sel cuestionáu sobri a pussibli participación das forças militaris españolas nu ámbitu d'una força multinacional nu Iraq y au abrigu d'una resolución da ONU. Reforçó a idea de que "ia ái una força multinacional nu Iraq", y aiantró que "oitra coisa sería una força comandá pulas Naciós Uñías".

"Foi u mei desseju. Estamus felizis pula pussibiliái de qu'issu aconteça". Mairil va a "tel una atitúi de cuperación y de vel u qu'é millol pa a democracia y a soberanía d'Iraq", eixu.

PURTUGAL

L'alcuentru ente los líderis de les gobiernes de Purtugal y España sirvió pa rafirmal les buenes relaciones bilaterales qu'enes palabres de José Luís Rodríguez Zapatero, nu se separun nin "un centímetru" por causa d'Iraq.

"L'Iraq non va dessapartal nin un centímetru Madrí de Lisboa", afirmó'l presidenti español. José Luis Rodríguez Zapatero y José Manuel Durão Barroso garantiçun momentus antis, ena conferencia de prensa conhunta, que les relaciones ente los dos paísis van "estrechassi" a pesal de que los sus ehecutivus tenguen ociones polítiques diverses y la custión d'Iraq nu los puei dessapartal. Nessa imagin de hunión, los presidentis dambes gobiernes española y purtuguesa mantúvunsi alreol diez minutus nuna amena caraba nel patiu de la presidencia oficial de S. Bento dispués del alcuentru oficial.

Los dos presidentis procurun, al uníssonu, h.azel un innu a la prosperidá del entendimientu lusu-español. "Les relaciones ente Purtugal y España stan por cima de la cuyuntura política", ihu Barroso. Un entendimientu que dambus ihun querel aprofundil nel próssimu alcuentru bilateral que se raliça n'Ohtubri, en Santiagu de Compostela.

Ena cuasi h.ormá imagin perfehta d'armonía, los dos gobernantis surrayun que los compromisus firmaus ente Purtugal y España enos anterioris alcuentrus, tuavía ena vigencia de la gobielna d'Aznar, van cumprissi íntegramenti. Comu ehemplus cab·in citassi'l Mercáu Ibéricu de l'Elehtricidá (Mibel) y la redi ferroviaria que hunirá a dambus paísis a través del tren d'alta velocidá.

José Luis Rodríguez Zapatero, nesta la su primel visita oficial a Purtugal dispués de sel investíu comu Presidenti, ihu qu'España tiei ventaha por labutal más próssimus de Purtugal ena Hunión Europea. "Tenemus abondus interesis comunis a defendel, más tuavía tres l'alargamientu", y añadió que "la relación ente Madrí y Lisboa tiei que sel una relación especial".

Dambus dirigentis cuasi passun por cima de la custión más delicá, el su posicionamiento'n cuantu a l'intervención n Iraq. Peru nu púun escapal a les preguntes de los periodistes, sob·ri tou a les relatives a les crítiques del ehecutivu portugués respehtu de la decisión del lídel del PSOE de retiral les sus tropes d'aquel país.

Zapatero h.ue políticamenti correhtu: "tengu respetu pola posición de toles gobiernes enes sus decisiones respehtu d'Iraq. Sientu tamién respetu pola posición que tomé". Barroso tamién añadió: "somus paísis independientis. Respetamus la posición de la gobielna española".

Zapatero tamién h.ue cautelosu al sel custionáu sob·ri la pussibli participación de les fuercies militares españoles nel ámbitu d'una fuercia multinacional nel Iraq y al abrigu d'una resolución de la ONH. Reforçó l'idea de que "ya ái una fuercia multinacional nel Iraq", y adelantó que "otra cosa sedría una fuercia comandá poles Naciones Huníes".

"H.ue'l míu desseyu. Stamus felizis pola pussibilidá de qu'essu aconteça". Madrí va "tenel una ahtitú de cuperación y de vel lu qu'é mehol pa la democracia y la soberanía d'Iraq", ihu.