Cantabru-EstremeñuMain Page | About | Help | FAQ | Special pages | Log in
The Free Encyclopedia
Categories: GFDL
Printable version | Disclaimers

Cántabrus

From Cantabru-Estremeñu

El puiblu cántabru (del latín cantăber, -bri) jue un antigu puiblu prerromanu que havitava nel norti de la Península Ibérica, ena actual España, nuna zona más estensa que la de l'actual Cantabria (ver imagin).

Si tiein noticias de varias trivus ó clanis, cumu puidan sé-los salaenus, orgenomescus, avariginius, blendius y coniscus nel litoral y cadiniensis, concanus, plentusius y tamáricus nel interior.

La primer cita hestórica documentá sobri esti puiblu mula proporciona Catón el Vieju ena su obra "Los Oríginis", de la qui si cunsirvan varius fragmentus. Ún d'ellus javla de la campaña qu'el propiu Catón reyalizó pola península Ibérica, condu era cónsul nel añu 195 a.C. Izi:

...fluvium Hiberum: is oritur ex Cantabris, magnus atque pulcher, pisculentus: «El ríu Ebru: ñaç en tierra de Cántabrus, grandi y jermosu, avundanti'n pecis».

Esti tipu referencias ya nus muestran los cántabrus cumu una unidá social conocía nel sieglu III a.C., lu qui permitiríe datá-la su génesis ente finalis de la Edá de Bronzi y principius de la Edá de Jierru. A partir dessi escritu de Catón las citas d'hestoriaoris y geógrafus griegus y latinus son numirosas, sobri tou duranti la su resistencia enas Guerras Cántabras contra Roma.

Mus llegarin dalgunus testus qui descrivin á esti indómitu puiblu, cumu'l versu del pueta Horaciu: "Cantabrum indoctum iuga ferre nostra", qui si traúzi cumu "El cántabru, nu ensiñáu á llevar el nuestru yugu", ó estrautu del geógrafu romanu Estrabón, que recuegemus á continuación:

Cantabria romana duranti'l periodu de las Guerras Cántabras. El mapa siñala las fronteras del territoriu cántabru en relación cula Cantabria actual, assina cumu las diversas trivus qui lu havitavan, los puiblus vizinus, ciais y acidentis geográficus interpretaus á partir de juentis clássicas.
Enlarge
Cantabria romana duranti'l periodu de las Guerras Cántabras. El mapa siñala las fronteras del territoriu cántabru en relación cula Cantabria actual, assina cumu las diversas trivus qui lu havitavan, los puiblus vizinus, ciais y acidentis geográficus interpretaus á partir de juentis clássicas.
Istus s'alimentan, en dos tiempus de l'añu, de bellota, en secándula, en muliéndula y en jiziendu pan de la jarina. Jorman bevía de cevá; tiein pucu vinu, y el que llega lu cunsumin luéu en cunvitis culos parientis. Usan de manteca en lugar d'aziti. Cenan sentaus, dispuestus á esti fin assientus enas paredis. La edá y la dinnidá llevan los primerus lugaris. Mentris si sirvi la bevía bailan a son de gaita y de frauta. Vístinsi tous de nigru cun sayus, de qui jorman camba, echándulus sobri gergon de yervas. Tiein vasus de cera cumu los celtas, y las mujeris gastan ropas frorías ú de color de rosa.
En vegá de diniru cummutan una cosa pur otra, ó curtian dalgu duna lámina ó plancha de prata.
Á los cundenaus a muirti los precipitan des duna roca, y a los patricías los cubrin de peiras juera los sus términus ó los sus ríus.
Los casamientus son al mou los griegus; y á los enfermus los sacan al púvlicu, cumu los egipcius, a fin de tomar cunseju de los qu'haigan sanáu de semejanti acidenti.
Jasta'l tiempu de Brutu usavan barcas de cuiru; ya tiein dalgunas de troncus d'árvoris.
Estela cántabra de Barrus (Cantabria). De peira arenisca y cun espigón de basi las sus dimensionis son de 1,70 m. de diámetru y 0,32 m. d'espessor.
Enlarge
Estela cántabra de Barrus (Cantabria). De peira arenisca y cun espigón de basi las sus dimensionis son de 1,70 m. de diámetru y 0,32 m. d'espessor.
La rusticidá y fiereza de las sus costumbris provién non sólu de las guerras, sinón de vivir separtaus d'otras gentis, y fartandu comunicación farta tamién sociedá y humanidá. Hui si remeyó dalgu pol tratu culos romanus dimpués de sujetalus Augustu; piru los qui tiein minus comunicación son más inhumanus, cuntrivuyendu pa illu l'aspereza de los montis enos que vivin.
Lávansi cun orinis qu'ejan puirir enas cisternas, y hombris y mujeris límpiansi cun ellus los dientis.
Las mairis matavan a los sus jíus en tiempu de la guerra cantábrica pa qui nu cayessin en manus los sus inimigus. Un mozu, viendu á los sus pairis y germanus prisionerus, los mató á tous pur ordin del pairi, que li dió'l jierru pa ellu. Dotru, llamáu á un cunviti, s'arrojó nel juéu.
Paécinsi á los celtas, á los de la Tracia y Escitia.
Las mujeris lavran los campus, y cuandu parin jazin acuestar á los maríus y ellas lis sirvin. Cuéntassi tamién en preva de la demencia cantábrica que dalgunus, viéndussi clavaus en cruzis polos sus inimigus, cantavan alegrementi, lu qu'indica fiereza.
Duna yerva assemejá á l'apiu jorman un venenu activíssimu que mata ensin dolor, y li tiein a la manu pa usali en cualquiera alversidá, especialmenti pur si davan en manus de romanus.
Dotras cosas, iz, usan nu tan di fieras, cumu é, qu'el varón dota la mujer; que istituyin herederas á las jías y éstas casan á los germanus, lu qui nu é mui civil pur incluyir dalgún imperiu de la mujer sobri l'hombri.

(Enrique Flórez - Estrabón. “La Cantabria” 1768.)


Referencia

Cántabros, de la Wikipedia n'español.


Licencia

Image:Heckert GNU white.svg Permission is granted to copy, distribute and/or modify this document under the terms of the GNU Free Documentation License, Version 1.2 or any later version published by the Free Software Foundation; with no Invariant Sections, no Front-Cover Texts, and no Back-Cover Texts. A copy of the license is included in the section entitled "GNU Free Documentation License".

Retrieved from "https://www.iventia.com/cantabru-estremenu/index.php/C%C3%A1ntabrus"

This page has been accessed 3,005 times. This page was last modified 22:09, 4 December 2009. Content is available under Asturleones.


Find
Browse
Iniciu
Noticias
Mapas lingüísticus
Gramática
Filología asturlionesa
Hestoria de la lingua
Geografía
Literatura
En xalimegu
Portal de la Comunidá
Cambius Recientis
Página Aleatoria
Asturleonés
Edit
Edit this page
Editing help
This page
Discuss this page
Post a comment
Printable version
Context
Page history
What links here
Related changes
My pages
Create an account or log in
Special pages
New pages
File list
Statistics
Bug reports
More...