Cantabru-EstremeñuMain Page | About | Help | FAQ | Special pages | Log in
The Free Encyclopedia
Printable version | Disclaimers

Help:FAQ Colavoraoris

From Cantabru-Estremeñu

Iventia FAQ
FAQs...

General
Linguas
Lectoris
Colavoraoris
Edición
Direchus d'autor

Véyassi tamién...

Ayúa

Esta página de las FAQ respuendi á las custionis comunis de los colavoraoris d'Iventia.

Contents

Cominciandu a colavorar

En principiu, tou amanti de las nuestras palras deveríe querer participar activamenti nésti ó n'otrus proyeutus pa la dejensa de las mesmas. Si s'alcuentra nesta situación, quiciávis puida jazelu si ta dispuestu á lavutar cun licencias livris - tous puein copiar lu qui jaga, si bien culas restricionis que vusté imponga dientru dunus márginis - y ta más ó minus d'alcuerdu culos muestrus criterius lingüístivus.

Comu obtener una cuenta d'usuariu

Pa editar direutamenti cumu los autoris desta web jaz farta registrassi. Si tien dalgún provlema puei unviar un mail á usuariu@iventia.com cula suficienti información pa criar una cuenta d'usuariu normal: nombri desseáu y clavi, culos comentarius que desséi.

Mayoris permissus d'usuariu

Si tien interés en lavutar pa Iventia cun rangu d'usuariu avançáu ó alministraor (pa editar páginas especialis, páginas bloqueás, menús, etc.) devemus saber más de vusté, bien des de l'iniciu pur mé'l su mail, ó bien tendrá d'esperar, y li sedrán daus más pueris cunjormi vaiga passandu'l tiempu, si las sus aportacionis son cunsiderás buinas.

¿Tengu de dar el mi nombri real?

Nu tien de dar el su nombri real, piru dalgunus usuarius gustan de jazelu pa mantiné-los direchus d'autor sobri las sus aportacionis, especialmenti si colavoran cun licencias Creative Commons. Amás, puei dalu sólamenti pa qui li conoçamus nusotrus, ensin que si conoça juera dequí. Siempris resulta más fiavli aquél cul qui puemus chalrar de tú á tú sin nombris falsus; cuantis más conocíu, más fácil entrar nel círculu de cunfiancia de los alministraoris.

¿Qué é un esbozu?

Un esbozu é un artículu curtiu, generalmenti dún ú dos párrafus. Un miniesbozu é un esbozu aún más pequeñu, normalmenti d'una frasi ó dos. A la mayoría de las personas nu lis gustan los esbozus, anque si puei cunsiderar un mal necessariu. Avondus artículus escelentis comiencian cumu simplis esbozus, luéu los esbozus deveríen ser ampliaus jasta cunvertissi n'artículus apropiaus.

¿Y una dissambiguación?

Una dissambiguación é un artículu ondi cunfluyin varius términus igualis ó paicíus, y que redirigi al lector al lugar adecuáu. Generalmenti sólu devin apaecer cuandu el lector vaiga a ellus des del buscaor ó direutamenti escriviendu nel navigaor; si llega a ellus des dun artículu internu, ésti deveríe corrigissi pa que llevi al términu correutu.

La edición minor

Condu s'edita una página, un usuariu en sessión tien la opción de marcá-la su edición cumu minor en siñalandu la casilla "Esta é una edición minor" ("This is a minor edit"). Istu é más una custión personal, piru puei ayuar á alcuentrar más fácilmenti un párrafu ó seción passaus ena hestoria de l'artículu, en sabiendu que las edicionis minoris sólu camúan aspeutus ortográficus ó del jormatu.

Retrieved from "https://www.iventia.com/cantabru-estremenu/index.php/Help:FAQ_Colavoraoris"

This page has been accessed 1,978 times. This page was last modified 11:21, 24 September 2006. Content is available under Asturleones.


Find
Browse
Iniciu
Noticias
Mapas lingüísticus
Gramática
Filología asturlionesa
Hestoria de la lingua
Geografía
Literatura
En xalimegu
Portal de la Comunidá
Cambius Recientis
Página Aleatoria
Asturleonés
Edit
Edit this page
Editing help
This page
Discuss this page
Post a comment
Printable version
Context
Page history
What links here
Related changes
My pages
Create an account or log in
Special pages
New pages
File list
Statistics
Bug reports
More...