Cantabru-EstremeñuMain Page | About | Help | FAQ | Special pages | Log in
The Free Encyclopedia
Categories: GFDL | Geografía | Localiais de Cáceris | En xalimegu
Printable version | Disclaimers

Sa Martín de Trevellu

From Cantabru-Estremeñu

Sa Martín de Trevellu
Bandera de Sa Martín de Trevellu Escudu de Sa Martín de Trevellu
(En detalli) (En detalli)
País España
· Comunidá Autónoma Estremadura
· Provincia Cáceris
· Comarca Sierra de Gata
Uvicación 40°13′ N 6°48′ O
Altitúi 796 msnm
· Distancia 137 km a Cáceres
· Superfici 2.382 km²
Fundación Desconocíu (¿s. XI?)
Poboación 948 hab.
· Densiai 39,79 hab./km²
Gentiliciu mañegu, mañega
Códigu postal 10.892
Alcaldi Máximo Gaspar Carretero (PSOE)
Sitiu web sanmartindetrevejo.com

Sa Martín de Trevellu é un municipiu da provincia de Cáceris, Estremadura, España y está situáu nu estremu N.O. da mesma, nu interiol da Serra de Gata (ente As Hurdis y a fronteira purtuguesa). A altura da villa é de 610 metrus y fállassi enclavá nun valli á us pes du monti Xálima ou Hálama (1492 m), a superfici total du términu abarca us 23.82 kilómetrus cuairaus.

Contents

Historia

Da fundación de Sa Martín de Trevellu cumu pobu se sabi poicu, aunque non pudu sel antis du siglu IV, pul nomi de Sa Martín, santu que viviou nessi siglu. U primitivu nomi era Sa Martín dus Viñus y dispois da promulgación dun foru en 1230 se li chama Trevellu. Foi Sa Martín antigua capital de Corregimentu de Xálima y séi du Comendaol da Ordin de San Juan de Jerusalén y cabeça de julgáu hasta 1826. Na zona se sostuvierin abondas guerras sangrientas, tal é u casu d'Alfonsu VII, que tomóu a Ciai de Coria nu 1142. Fernandu, sei fillu, que repobóu a comarca, de Ciai Rodrigu fhasta esta Serra, a cuia diócesis pertenecióu Sa Martín fhasta meiaus desti siglu y á provincia de Salamanca fhasta 1833; tras istu, vinierin a repoboal as terras tomás as gentis du antigu Reinu de León. Cun esta repoboación se crei que naceu a curiosa lengua du val denominá "a fala", falá tambén nus municipius colindantis (Ellas y Valverdi du Fresnu). Á varianti local se a chama "mañegu".

Arquitectura popular

Sa Martín de Trevellu é "Ben d'Interés cultural cun a categoría de Cunjuntu Históricu", galardón recibíu pul a boa cunsirvación da súa arquitectura. A vivenda tradicional se caracteriza por tel au minus dois alturas y una planta baixa ou budega ondi se guardaba u ganáu. Sobri esta planta baixa, que sueli sel de peira, s'elevan, sobri un entramáu de maeira y adobi, as oitras dois plantas que son a vivenda y u desván. Pa accedel a u primel pisu, antecediendu ás escaleiras interioris, solin encontrassi poius de cantería. Junta estas vivendas essistin casas señorialis cun us seis correspondentis escudus d'armas.

Essisti un arroiu d'agua escaváu nas callis que flúi duranti tou u anu, y que é aproveitáu á salía du municipiu pa u regadíu. Cabi destacal u recorríu desti regatu pulas callis Ciai, Correira, Fonti, Guardia Civil y Hospital pul sei interés arquitectónicu.

Monumentus y lugaris d'interés

Us letreirus de Sa Martín en dúas lenguas
Enlarge
Us letreirus de Sa Martín en dúas lenguas

Festas locais

Festa n'honol a Sa Martín de Tours

Esta festa se celebra us días 11 y 12 du mes de nuviembri n'honol a u patrón da localiai, Sa Martín de Tours. U más destacabli desta festiviai é a celebración da misa cantá na Igresia de Sa Martín de Tours. Tras a eucaristía, y n'honol a u santu patrón, us viziñus de Sa Martín de Trevellu sain en processión acumpañandu au santu pul diversas callis du municipiu. Au terminal esta processión, us viziñus acuntinan a festa pul us baris du pobu y, posteriolmenti, se catan us viñus novus nas distintas budegas (ou "pichorras" en "mañegu") da localiai, marcás pa a ocassión cun una rama d'olivu na porta.

Pula tardi, na praça solin ponessi distintas atraccionis y postus pa u disfruti dus mais pequenus. U día anteriol á festa, y au toqui das campanas, sain us gigantis y cabeçúus pul as callis du pobu acumpañaus pur tous us mozus da localiai.


Festa da Cruzi du Emigranti

Día da Vera Cruzi


Referencia

Martín de Trevejo San Martín de Trevejo, da Wikipedia n'español.


Licencia

Image:Heckert GNU white.svg Permission is granted to copy, distribute and/or modify this document under the terms of the GNU Free Documentation License, Version 1.2 or any later version published by the Free Software Foundation; with no Invariant Sections, no Front-Cover Texts, and no Back-Cover Texts. A copy of the license is included in the section entitled "GNU Free Documentation License".

Retrieved from "https://www.iventia.com/cantabru-estremenu/index.php/Sa_Mart%C3%ADn_de_Trevellu"

This page has been accessed 5,038 times. This page was last modified 17:30, 5 December 2009. Content is available under Asturleones.


Find
Browse
Iniciu
Noticias
Mapas lingüísticus
Gramática
Filología asturlionesa
Hestoria de la lingua
Geografía
Literatura
En xalimegu
Portal de la Comunidá
Cambius Recientis
Página Aleatoria
Asturleonés
Edit
Edit this page
Editing help
This page
Discuss this page
Post a comment
Printable version
Context
Page history
What links here
Related changes
My pages
Create an account or log in
Special pages
New pages
File list
Statistics
Bug reports
More...