Cantabru-EstremeñuMain Page | About | Help | FAQ | Special pages | Log in
The Free Encyclopedia
Printable version | Disclaimers

Variais cántabru-estremeñas

From Cantabru-Estremeñu

Suel izissi que las variais cántabru-estremeñas cunjorman dialeutus di tránsitu, cumu'l cántabru-estremeñu, dialeutu asturleonés intermediu ente'l castillanu y l'asturianu-leonés, ó cumu'l jalamegu, variedá del gallegu-purtugués de tránsitu cul estremeñu; tamién suel javlassi de variais castillanas de tránsitu ó fronterizas ("castúo", firreireñu, barranqueñu) relacionás; desta manera s'arrejuntan nuna mesma división lingüístiva diferentis variais qui, sarvandu las sus grandis diferencias, tan relacionás pola su hestoria y dalgunus de los sus rajus lingüístivus.

Contents

El cántabru-estremeñu

Las variais cántabru-estremeñas y asturianu-leonesas y la su influyencia nel castillanu ucidental
Enlarge
Las variais cántabru-estremeñas y asturianu-leonesas y la su influyencia nel castillanu ucidental
El cántabru-estremeñu é la variedá más conocía d'ente las referías, y pussivlimenti la mayoritaria - hui día é difícil izir jasta qué puntu si palra'l dialeutu, tinendu'n cuenta que páginas cumu ésta de difusión toman cumu ciertus los estuyus lingüístivus antigus, mientris que los manualis de filología hispánicus recuegin namás los estuyus localis limitaus actualis y tratan siempris d'iguar javlas castillanas cun dialeutus hestóricus, istu é, tratan de la mesma jorma los dialeutus en sintíu sincrónicu - distintas javlas de lu qui é cunsideráu una idioma, cumu l'andaluç ó el bajuestremeñu de l'español - y los dialeutus en sintíu diacrónicu - nel nuestru casu los dialeutus derivaus direutamenti del latín, cumu l'astur, el cántabru y l'aragonés.

Si l'asturianu-leonés vien de la influyencia que sobri'l latín tuvu'l puiblu astur duranti sieglus, lu mesmu pue izissi del cántabru-estremeñu, que surdió ena zona de los antigus cántabrus, qui, junta los asturis y vascus, jormarin los sustratus lingüístivus del norti qui de cuntinu prevalecierun frenta los distintus invasoris de la Península Ibérica, y cuyus decendientis moldearin tres de la invasión árabi la hestoria d'España á partir la Recunquista. La influyencia de las dos variais eja vessi nel castillanu, y al mesmu tiempu ésti é diversu d'aquéllus. Más...

U xalimegu ó a fala du Val de Xálima

El jalamegu ó xalimegu (mañegu, lagarteiru, valvideiru) é una variedá gallegu-purtuguesa (culos rajus del purtugués de la Beira Baja y Artu Alenteju) mui influyía pol cántabru-estremeñu y en cierta midía pol castillanu, lu que l'assemeja al gallegu. Ena plática tolos rajus lingüístivus de la zona puen esplicassi desta jorma, si bien hay polémica des del descubrimientu de la fala polos gallegus.

Hay posicionis pa tolos gustus, qui nusotrus evitamus enu pussivli purqui pa reflejalas ya tan los forus nacionaliegus de diversa índoli, enos que tous puein colavorar y añadí-las teorías que lis praza, pur pocu cuntrastás y esplicás que ten.

La fala é una variedá gallegu-purtuguesa cun influyencias cántabru-estremeñas (leonesas ó asturleonesas suel izissi, en javlandu d'ellas en sintíu ampliu) y, hui en día, castillanas. Des d'Iventia fomentamus l'usu de las peculiariais xalimegas, y non velamus nin pola su purtuguesiçación - escritura cun nh y lh, usu de jormas purtuguesas cumu nasaliçacionis inessistentis ena fala -, propia d'escritus enantis del "descubrimientu" de los gallegus, nin munchu menus velamus pola simplijicación de la escritura de la fala á l'estilu gallegu - n'evitandu escreví-las tradicionalis sunoras, s-ss ó ç-z, ó n'usandu sólu la x gallega en vezi del tríu tradicional y correutu j, g ó x, ó en galleguiçandu innecessariamenti el vocavulariu tradicional -, lu qu'empovricería tuavía más la fala amás la su castillaniçación. Más...

Javlas de tránsitu ó fronterizas

El firreireñu ó palra de Jerrera d'Alcántara

Palra gallegu-purtuguesa (y ente issas dos variais, purtuguesa), el firreireñu é frutu de la repueblación de Jerrera ó Firreira polos purtuguesis enos sieglus XII y XIII y pussivlimenti posterioris, y el su ailamientu sussiguienti, cunsecuencia de la su pertenencia á la Corona de Castiella y al cuntinu enfrentamientu désta cul país vizinu. Ichu ailamientu y el cuntautu permanenti cun variais cántabru-estremeñas criarin una variedá arcaiçanti cun rajus cumpartíus cul cántabru-estremeñu y el castillanu. Más...

El castúo ó las javlas de tránsitu estremeñas

El nombri castillanu (bajuestremeñu) "castúo", castú ó castudu - de la casta de lavraoris que cultivarun la su tierra, sigún Luis Chamizo -, refiersi á las variais castillanas de tránsitu cul estremeñu (al qui suel referissi cumu castillanu d'influyencia leonesa), cun rajus propius del castillanu meriyunal y de las javlas propias estremeñas. Pussivlimenti puida jazessi una crara distinción ente las zonas de palra misturá cántabru-estremeñas y castillanas, propiamenti de tránsitu (más ó minus coincidentis culas fronteras de l'antigu Reinu de León n'Estremadura), y las javlas castillanas influyías pol cántabru-estremeñu, qui s'alcuentran á l'esti dissa linia. Más...

El barranqueñu ó palra de Barrancus

Casu semejanti al firreireñu, piru de jorma inversa, el barranqueñu parti cumu variedá baju estremeña (quiciávis misturá tuavía altoncis ente repueblaoris de palra cántabru-estremeña y castillana) y purtuguesa. Frutu de la pertenencia de Barrancus á Purtugal des d'antigu, el purtugués jue assimiláu cumu lingua culta, mientris que la variá lingüístiva propia quea pa l'ámbitu meramenti familiar. Los rajus estremeñus, tan diluyíus cumu nel 'castúo', sólu s'amuestran de jorma circunstancial, en fonética y vocavulariu. Más...

Retrieved from "https://www.iventia.com/cantabru-estremenu/index.php/Variais_c%C3%A1ntabru-estreme%C3%B1as"

This page has been accessed 4,033 times. This page was last modified 21:44, 4 December 2009. Content is available under Asturleones.


Find
Browse
Iniciu
Noticias
Mapas lingüísticus
Gramática
Filología asturlionesa
Hestoria de la lingua
Geografía
Literatura
En xalimegu
Portal de la Comunidá
Cambius Recientis
Página Aleatoria
Asturleonés
Edit
Edit this page
Editing help
This page
Discuss this page
Post a comment
Printable version
Context
Page history
What links here
Related changes
My pages
Create an account or log in
Special pages
New pages
File list
Statistics
Bug reports
More...