Cantabru-EstremeñuMain Page | About | Help | FAQ | Special pages | Log in
The Free Encyclopedia
Printable version | Disclaimers | Current revision

Cántabru-estremeñu

(Difference between revisions)

Revision as of 16:38, 13 September 2006
Iventiadmin (Talk | contribs)

← Previous diff
Revision as of 22:39, 13 September 2006
Iventiadmin (Talk | contribs)
Protected "Cántabru-estremeñu" [edit=sysop:move=sysop]
Next diff →

Revision as of 22:39, 13 September 2006

El cántabru-estremeñu (tamién cántabru ó estremeñu, extremaduran pa los lingüistas internacionalis) é un dialeutu d'España (lingua des dun puntu de vista internacional, ya qui las havlas son altoncis dialeutus), classihicáu á vezis dientru las variais asturleonesas hunta l'asturianu-leonés y al mirandés pur organiçacionis internacionalis y nacionalis - grupu llamáu asturcántabru por dalgunus, leonés pur Menéndez Pidal -, y á vegás tamién cumu variá del grupu castillanu antigu ("cántabru-castillanu"), hunta'l castillanu y al ladinu ó hudeu-español, pesie á non ser oficial enas comuniais ondi tuavía si palra.


El su origin

Istóricamenti paíç que perteneç al dumiñu d'influyencia de los cántabrus sobri'l latín vulgar - dimpués de la ocupación romana y visigoda -, hechu que Menéndez Pidal ya recuegió nel su día al palrar de la separtación (dientru'l "dialeutu leonés") del "leonés oriental", devíu sigún él á la influyencia de las havlas de los puiblus asturis y cántabrus antigus - issu sí, él nu estuyó las variais más á l'esti d'Asturias, polu qui nu sabemus ondi taríe'l límiti á la su classihicación de las palras del "leonés". Bahu ista perspeutiva, la variá oriental asturianu-leonesa (aspiración de la f- latina, terminación general en -u, neutru de materia en -u, etc.) taríe á meyu camín ente l'asturianu-leonés y el cántabru-estremeñu, á l'igual qui la fala d'entrambasauguas - y en cierta midía l'asturianu ucidental - taríe á meyu camín ente l'asturianu-leonés y el gallegu oriental, cumu mistura de los antigus puiblus asturis y galaicus.

Los núcleus de pueblación ispánicus ucidentalis enantis de la Ricunquista y la zona de ñacencia del castillanu, sigún amuestran los datus lingüísticus
Enlarge
Los núcleus de pueblación ispánicus ucidentalis enantis de la Ricunquista y la zona de ñacencia del castillanu, sigún amuestran los datus lingüísticus
En definitiva, pa ehar di puner etiquetas de "variá de tránsitu" ó "d'entremeyas" á tolas variais emparentás pola cumpartición d'isoglossas, puiría izissi ensín temor á equivocassi qu'ena Cantabria actual cunfluyin munchas de las isoglossas de las variais qui divan imponessi nel su territoriu haz sieglus, ena época de l'iniciu de la Ricunquista: l'asturianu-leonés pur mé'l Reinu d'Asturias, luéu Asturleonés ó de León; y el castillanu pur mé'l Condáu (luéu Reinu) de Castiella y, más tardi, de la España unihicá.

Ensín embargu, icha cunfluyencia nu supón una real subordinación lingüístiva á los dialeutus vizinus; facilita, issu sí, el trabahu á aquillus qui quiein reuzir l'espeutru d'estuyu lingüísticu á dos ó tres variais peninsularis, piru la istoria y la lingüística palran pur sí solas: el cántabru hui un núcleu dialeutal latinu des del comienciu, cumu'l galaicu y l'astur. Lu que sí tien d'izissi tamién é que los paicíus morfulógicus y (especialmenti) sintáuticus- pesie á las diferencias fonéticas- cul asturianu-leonés - son tan grandis que puei palrassi dun subgrupu iberu-romanci asturleonés nel que taríe incluyíu el cántabru-estremeñu.

Las estadísticas qui si manehan sobri'l númiru de havlantis autualis son antiguas y non mui fiavlis: nu dessisti interés pol momentu de her estuyus desti tipu, dáu que primer de tou avríe qu'alcuentrar enos palrantis una cierta cultura pa qui distinguiessin la su horma de palrar de la estándar castillana, tinendu'n cuenta qu'un estuyu á la vegá lingüísticu y sociulógicu taríe huira de tou proyeutu investigaor viavli. Ensín embargu, é bien sabíu qu'avondus viehus classihican enas encuestas las sus palras regionalis cumu "montañés" y "castúo" enas sus respeutivas comuniais, términus que hazin referencia á tolas havlas de la región nel su cunhuntu; difícilmenti, emperu, puiría sacassi dalguna cunclusión desti hechu. Pussivlimenti seyan unus milis los mayoris qui aún cunsirvan rahus dialeutalis qui puein identihicassi cul istóricu dialeutu cántabru-estremeñu.

El cántabru-estremeñu suel dividissi'n dos variais principalis, separtás polos sus rahus lingüístivus y la su distancia geográfica: el cántabru y l'estremeñu, enque las variais más arcaiçantis dún (passiegu) y d'otru (sirragatinu) - ailás pol relievi muntañosu carauterísticu dambas - tiein quiciávis más en común ente sí qui culas sus vizinas geográficas.

El Cántabru

El cántabru sigún estuyus lingüístivus recientis
Enlarge
El cántabru sigún estuyus lingüístivus recientis
El cántabru, variá más arcaica sintáuticamenti piru fonéticamenti assemehá al castillanu, pálrassi principalmenti en Cantabria, n'al minus cuatru variais principalis:


Havlas cantabriegas:

Zona d'antigua y honda raigambri cántabra, pirdía enos últimos sieglus principalmenti pola moderniçación y l'acessu mayoritariu á la cultura 'normaliçá' - cuyu primer passu suel ser el despreciu polos carauteris regionalis -, n'especial ena capital y las costas.

L'Estremeñu

L'estremeñu y las variais d'influyencia estremeña
Enlarge
L'estremeñu y las variais d'influyencia estremeña
L'estremeñu, más arcaiçanti ena fonética, si havla enas antiguas Estremadura (Salamanca) y Transierra (Cáceris) leonesas:


Havlas estremeñas:

Zonas de havlas de tránsitu estremeñas, tal y cumu son difinías enos manualis de dialeutología ispánica. Puein distinguisi dos zonas principalis:

a) Zona de tránsitu castillanu-estremeñu:

b) Zona de havla castillana cun influyencias estremeñas, á l'esti d'Estremadura, de norti á sur hasta Sevilla y bien entráu Córdoba.